Kjell Sjöberg
Kjell Allan Sjöberg, fødd Dahlqvist, (11. mai 1937–10. september 2013) var ein svensk skihoppar frå Själevad i Västernorrlands län, som representerte IF Friska Viljor. Han tok bronsemedalje i Holmenkollbakken i ski-VM i Oslo i 1966, og sette i 1967 verdsrekord i skiflyging.
| Kjell Sjöberg | |
|
| |
| Statsborgarskap | Sverige |
| Fødd | 11. mai 1937 Örnsköldsvik |
| Død |
26. august 2013 (76 år) |
| Idrett | skihopping |
| Tok del i | |
Aktiv endre
Sjöberg var aktiv skihoppar frå 1950-åra til 1973. Frå 1960 til 1968 deltok han i alle dei store ski-meisterskapane. Beste prestasjonane oppnådde han i 1964 då han under vinterolympiaden i storbakken i Innsbruck kom på femteplass, men aller best var han to år seinare, han fekk då bronsemedalje i storbakkerennet under verdsmeisterskapen i Oslo og Holmenkollen.
Han deltok i den tysk-austerrikske hoppveka i 1960/61, 1961/62, 1965/66 og 1967/68, med andreplass i Oberstdorf 30. desember 1960 som beste enkeltresultat. Samanlagt vart han som best i 1960/61, då han vart nummer seks.
15. februar 1964 tangerte han Jože Šlibar og Peter Lesser sin verdsrekord i skiflyging på 141 meter i Oberstdorf, ein rekord som Dalibor Moteljek frå Tsjekkoslovakia same dag forbetra med ein meter. 10. februar 1967 sette Sjöberg verdsrekord i Oberstdorf med eit svev på 148 meter. Rekorden vart slått dagen etter, då Lars Grini landa på 150 meter.
Sjöberg vart svensk meister to gongar, i 1962 og 1966.
Kjelder endre
- Sportsboken, aktuelle årgangar
- Denne artikkelen bygger på «Kjell Sjöberg (backhoppare)» frå Wikipedia på svensk, den 28. desember 2012.
- Sports Reference: Kjell Sjöberg Arkivert 2012-11-04 ved Wayback Machine.
- Svenska Skidförbundet: Backe/nordisk kombination Arkivert 2010-05-22 ved Wayback Machine.