Kompott

Kompott er ein rett laga av frukt eller bær som er kokt med sukker. Det er ei form for fruktgraut der frukta ikkje er kokt sund.

Eplekompott

Kastanjekompott i ei gryte.

Ordsoge

Ordet kompott kjem frå frå fransk compote, av gammalfransk composte, som er avleidd frå latin composita eller compositus, 'samansett'. Historisk har ordet vist til ulike mattypar laga ved å blanda matvarer, som fisk eller kjøt i eddik eller salt og frukt i vin, sukker eller honning. Kompost, kompositum, komposisjon og komposittmateriale har same opphav. Kompot er ei austeuropeisk nemning for ein drikk laga på same vis som kompott.

På engelsk kan ordet compote visa til kompott eller til ei skål med stett, avleidd av ein type kompottskål.

Tillaging

Ein kan laga kompott av ulike typar frukt, anten ein type eller fleire saman. Frukta kan vera fersk, frosen eller tørka. Ein kjend type er sviskekompott. I tillegg til sukker kan ein også tilsetja jamning, til dømes potetmjøl, og smaksstoff som sitrusskal eller krydder. Det finst også oppskrifter med alkohol. Til dømes kan ein bruka tørka frukt som har lege i drikkar som kirsch, rom eller Frontignan.

Servering

Kompott kan serverast varm eller kald. Mange kompottar blir brukte som dessert, men nokre kan serverast til kjøtrettar på same måte som chutney. Ein kan servera kompott med krem, vaniljesaus, iskrem eller liknande.

Kompott kan også brukast som fyll til bakverk eller som tilbehøyr til andre rettar.

Bilete

• 
  Aprikoskompott
• 
  Ferskenkompott
• 
  Rabarbra- og eplekompott
• 
  Hoşaf, tyrkisk kompottrett av tørka frukt
• 
  Mangokompott
• 
  Nektarinkompott
• 
  Plommekompott servert i ei glaskrukke
• 
  Pærekompott.
• 
  Semulepudding med fruktkompott

Sjå òg

• Hermetisk frukt
• Kompot
• Kissel

Bakgrunnsstoff

• Kalde dessertar - graut av frukt og bær, kompott, krem, krutong, mousse og pudding ved ndla.no