Kristine Lunde-Borgersen

Kristine Lunde-Borgersen (fødd 30. mars 1980) er ein norsk handballspelar frå Kristiansand, som sidan 2010 har spela for Våg Vipers. Ho har vunne tre EM-gull, eitt OL-gull og eitt VM-gull for Noreg. Dessutan har ho to gull frå meisterligaen, tre danske seriegull og to danske cupgull med Viborg. Mellom 2001 og august 2012 har ho spela 169 landskampar og skåra 482 landslagsmål for Noreg.

Kristine Lunde-Borgersen
Statsborgarskap	Noreg
Fødd	30. mars 1980 (44 år) Kristiansand kommune
Yrke	handballspelar, handballtrenar
Høgd	183 centimeter
Kristine Lunde-Borgersen på Commons

Katrine Lunde Haraldsen er tvillingsystra hennar.

Aktiv

Kristine Lunde spela for Våg i norsk toppserie frå 1999? til 2004. Ho debuterte på Noregs landslag 24. mars 2001 i ein kamp mot Tyskland. Sidan har ho fram til juli 2012 spela 161 landskampar og skåra 466 mål. Under EM 2008 vart ho kåra til meisterskapens beste «playmaker». Mellom 2001 og 2011 vann ho VM-sølv i 2001, EM-gull både i 2004 og 2006, OL-gull og EM-gull i 2008, VM-bronse 2009 og VM-gull i 2011, samt sitt andre OL-gull i 2012.

Lunde vart i 2004 kåra til «Årets spelar» i Noreg. Ho og systra Katrine reiste same året til Danmark. Der spela ho tre sesongar for klubben Aalborg DH, og sidan like lenge for Viborg. Gjennom desse seks åra var ho med å vinne to meisterligatitalar, tre seriegull og to cupgull, alle med Viborg.

Merittar landslag

• VM 2001: Sølvmedalje etter 25–30 mot Russland
• VM 2003: Nr 6 med Noreg
• EM 2004: Gullmedalje etter 27–25 mot Danmark
• VM 2005: Nr 9 med Noreg
• EM 2006: Gullmedalje etter 27–24 mot Russland
• OL 2008 i Beijing: Gull etter norsk siger 34-27 over Russland
• EM 2008: Gullmedalje etter 34–21 mot Spania
• VM 2009: Bronsemedalje etter 26–21 mot Spania
• VM 2011: Gullmedalje etter 32–24 mot Frankrike
• OL 2012 i London: Gullmedalje etter norsk siger 26-23 over Montenegro
• EM 2012: Sølvmedalje etter 31–34 mot Montenegro

Merittar klubblag

• 2003: Bronse i serien med Våg Vipers
• 2005: Sølv i serien med Aalborg DH
• 2006: Bronse i serien med Aalborg DH
• 2007: Bronse i serien med Aalborg DH
• 2007/8: Cupgull og seriegull med Viborg
• 2008/9: Cupgull og seriegull med Viborg, samt vinnar av Meisterligaen
• 2009/10: Seriegull og siger i Meisterligaen med Viborg

Bakgrunnsstoff

• Handballforbundet si landskamspoversikt
• (en) Kristine Lunde-Borgersen – Profil og resultatoversikt i olympiske konkurransar på sports-reference.com.

Kjelder

• Denne artikkelen bygger på «Kristine Lunde-Borgersen» frå Wikipedia på bokmål, den 23. juli 2012.