Mary av Danmark

Mary (fødd Mary Elizabeth Donaldson, 5. februar 1972 i Hobart) er dronning av Danmark, grevinne av Monpezat og yngste dotter av John Dalgleish Donaldson og Henrietta Clark Donaldson. Dronning Mary har bachelor i jus og økonomi.

Mary
Dronning av Danmark
Fullt namn	Mary Elizabeth Donaldson
Fødd	5. februar 1972
Fødestad	Hobart
Gift med	Frederik X av Danmark
Dynasti	Huset Glücksborg (Danmark)
Far	John Dalgleish Donaldson
Mor	Henrietta Clark Donaldson
Born	Christian av Danmark, Isabella av Danmark, Vincent av Danmark, Josephine av Danmark

Ekteskap

Den 8. oktober 2003 gav dronning Margrethe II det offisielle løyvet til at kronprins Frederik kunne gifte seg med den då australsk-britiske statsborgaren Mary Elizabeth Donaldson. Paret vart vigde i Københavns domkyrkje 14. mai 2004.

Born

• 25. april 2005 vart det annonsert at kronprinsparet venta det første barnet sitt. Laurdag 15. oktober 2005 klokka 01:57 fødde kronprinsessen ein velskapt son, Christian Valdemar Henri John, med ei vekt på 3500 gram, og ei lengd på 51 cm.
• 26. oktober 2006 kunngjorde det danske hoffet at kronprinsessa var gravid med sitt andre barn. Kronprinsessa vart innlagd 21. april 2007 på Rigshospitalet i København. Mary fødde laurdag 21. april 2007 kl 16.02 ei velskapt dotter. Ho vog 3350 gram og var 50 cm lang. Prinsessa er den første prinsessa fødd i Danmark sidan 1946. Ho fekk ved dåpen 1. juli 2007 namnet Isabella Henrietta Ingrid Margrethe.
• Laurdag 8. januar 2011 vart det meldt at ho same dag hadde fødd tvillingar, ein 47 centimeter lang gut på 2684 gram, og ei 46 centimeter lang jente på 2554 gram. Guten vart fødd kl 10:30 og jenta vart fødd 26 min seinare, kl 10:56. Dei fekk ved dåpen 14. april 2011 namna Vincent Frederik Minik Alexander og Josephine Sofia Ivalo Mathilda.

Titlar

• 1972–2004: Frøken Mary Elizabeth Donaldson
• 2004–2008: Kronprinsesse Mary Elizabeth av Danmark
• 2008–2024: Kronprinsesse Mary Elizabeth av Danmark, grevinne av Monpezat
• 2024– : Dronning Mary av Danmark

Galleri

• 
  Kronprinsesse Marys monogram
• 
  Kronprins Frederik og Kronprinsesse Marys fellesmonogram
• 
  Kronprinsesse Mary og Kronprins Frederik på Færøyane, 21. juni 2005.

  Foto: Erik Christensen
• 
  Kronprinsesse Mary og Kronprins Frederik ankom Konserthuset i Stockholm i Sverige, dagen før bryllaupet til Kronprinsesse Victoria og Daniel Westling, 18. juni 2010.

  Foto: Holger Motzkau
• 
  Kronprins Frederik og Kronprinsesse Mary under bryllaupet til Prinsesse Madeleine og Christopher O'Neill, 8. juni 2013.

  Foto: Frankie Fouganthin

Bakgrunnsstoff

Commons har multimedium som gjeld: Mary av Danmark