Kunstfiber

Kunstfiber er syntetiske tekstilfiber framstilte av olje eller cellulose. Fiber framstilt av mineral eller metall vert òg oftast klassifiserte som kunstfiber.

Mikroskopbilde av kunststoffet mikrofiber.

Stoff av aramidfiber.

Kunstfiber vert inndelte i fire hovudgrupper:

• Regenererte fiber; naturleg forekommande polymer som vert oppløyste og sett saman til nye fiber utan at den kjemiske samansetningen vert endra. Hit høyrer t.d. viskose, modal, kupro og lyocell.
• Derivatfiber framstilt av naturleg forekommande polymer som under framstillingsprosessen gjennomgår ein kjemisk reaksjon slik at den kjemiske samansetningen av polymera vert endra. Hit høyrer acetat og triacetat.
• Syntetiske fiber framstilt av enkle kjemiske sambindingar som regerer med kvarandre og dannar lange trådforma makromolekyl. Hit høyrer t.d. polyamid, polyester og akryl.
• Mineralfiber og metallfiber framstilt av uorganiske stoff, som ulike metall eller mineral. Hit høyrer t.d. steinull og glassfiber.

Historikk

De førsta tekstile kunstfibera fvart framstilte på 1800-talet.

• 1889 vart nitratsilke vist fram på verdsutstillinga i Paris.
• 1892 vart viskose oppfunne i England.
• 1897 vart koparsilke framstilt i Tyskland.
• 1914 framstilte tuske og italienske fabrikkar kortfibrig rayon under handelsnamnet cellwolle
• 1924 starta framstillinga av acetatfibrer i England.
• 1938 vart nylon lansert i USA og perlon i Tyskland.
• 1941 vart terylen framstilt i England og dacron i USA.
• 1948 vart akrylfiber framstilt i USA.

Sjå òg

• Naturfiber

Kjelder

• Kunstfiber i SNL
• Konstfiber på Svensk Wikipedia