La Zarra
Fatima Zahra Hafdi (fødd 25. august 1987), kjend under artistnamnet La Zarra, er ein fransk-kanadisk songar og låtskrivar.[1] Ho representerte Frankrike i Eurovision Song Contest 2023 i Liverpool i Storbritannia.[2]
| La Zarra | |||
.jpg) | |||
| Fødd | 25. august 1987 (36 år) | ||
|---|---|---|---|
| Fødestad | Montreal | ||
| Alias | La Zarra | ||
| Opphav | Canada | ||
| Aktiv | 2016– | ||
| Sjanger | pop urbaine, chanson | ||
| Instrument | vokal | ||
| Plateselskap | Polydor Records, Capitol Music France | ||
| Verka som | songar-låtskrivar | ||
Bakgrunn endre
Hafdi blei fødd i Montréal i den franskspråklege provinsen Québec i Canada. Begge foreldra er fødde i Canada og har marokkanske anar. I barndommen budde ho både i Montréal og Longueuil, der familien hennar til slutt slo seg ned.[1] Ho fekk merksemd i Canada i 2016, då ho slapp debutsingelen «Printemps blanc» i samarbeid med den franske rapparen Niro.[1]
Etter kvart etablerte La Zarra seg i den franske hovudstaden Paris. I 2021 fekk ho ein viss suksess i Frankrike med singelen «Tu t'en iras», som fekk ein del avspelingar på radio og fjernsyn. Singelen blei sertifisert med platinastatus av franske Syndicat National de l'Édition Phonographique (SNEP). Same år fekk La Zarra ein NRJ Music Awards-nominasjon i klassen «årets franskspråklege stjerneskot» for debutalbumet Traîtrise.[3]
Den 12. januar 2023 kunngjorde kringkastaren France Télévisions at dei hadde vald La Zarra til å representere Frankrike i Eurovision Song Contest 2023 i Storbritannia. Ho var den andre kanadiske songaren til å representere landet etter at Natasha St-Pier song Frankrike til ein fjerdeplass i 2001.[2][4] La Zarra deltok med songen «Évidemment» og blei nummer 16 av 26 finalistar.[5][6]
Kjelder endre
- ↑ 1,0 1,1 1,2 «LaZarra - Toute sa biographie avec Chérie FM». Chérie FM.fr (på fransk). Henta 14. januar 2023.
- ↑ 2,0 2,1 «LaZarra will represent France at Eurovision 2023». eurovision.tv (på engelsk). Den europeiske kringkastingsunion. 12. januar 2023. Henta 14. januar 2023.
- ↑ S.dlf. (8. november 2021). «NRJMusic Awards 2021 - «Révélation Francophone de l’Année» - La Zarra présente son univers hors du commun». NRJ Music Awards. Henta 14. januar 2023.
- ↑ Farren, Neil (12. januar 2023). «France: La Zarra to Eurovision 2023». Eurovoix (på engelsk). Henta 14. januar 2023.
- ↑ «GrandFinal of Liverpool 2023 - Eurovision Song Contest». eurovision.tv. Henta 18. mai 2023.
- ↑ «LaZarra». eurovision.tv (på engelsk). Henta 18. mai 2023.
- Denne artikkelen bygger på «La Zarra» frå Wikipedia på bokmål, den 1. mars 2024.