Lillian Müller
Lillian Müller (fødd 19. august 1951) er ein norsk modell og skodespelar.
| Lillian Müller | |||
 | |||
| Fødd | 19. august 1951 (73 år) | ||
|---|---|---|---|
| Fødestad | Grimstad | ||
| Verka som | skodespelar, modell, playmate, vaksinemotstander | ||
| Prisar | Playboy Playmate of the Year, Playboy Playmate of the Month | ||
Biografi
endreMüller voks opp på Fevik, og frå ho var 11 til 15 år budde ho på Soltun barneheim. Som 18-åring deltok ho i Miss Norway. Ho kom på andreplass, og dette gjentok seg òg i Miss International. Ho gjekk i to år på Kvitsund Gymnas i Kviteseid, og på Hornnes Landsgymnas. Ho reiste til London der ho gjekk på London Academy of Modelling. Ho var avbilda som pin-up i fleire britiske aviser, og var side tre-jente i The Sun 30. januar 1974. Ho fekk eit gjennombrot etter at ho vart oppdaga av Suze Randall, som fotograferte henne naken for Playboy. Müller opptredde i magasinet som Playmate Of The Month i august 1975 og vart seinare Playmate Of The Year i 1976. Ho er den mest fotograferte Playboy-modellen gjennom tidene, og har vore på forsida ni gonger, inkludert den norske utgåva i januar 1999.[1]
Ho har medverka i rundt 30 filmar og TV-program og spelte i ein musikkvideo for Van Halen, til songen «Hot for Teacher». Ho spelte òg dama til Rod Stewart i musikkvideoen «Da Ya Think I'm Sexy?» frå 1979, som toppa hitlistene i både Storbritannia og USA. Ho har vore gjest på The Tonight Show, Good Morning America, Inside Edition og på E!.
Ho er engasjert i den alternative helsebransjen[2] og er motstandar av vaksinar og bruk av mikrobølgjeomn.[3]
Filmografi (utval)
endre- Casanova & Co. (1977) .... «Beata»
- The Night They Took Miss Beautiful (1977) (TV) .... «Lillie Schaefer»
- Hometown USA (1979) (som Yuliis Ruval) .... «Mrs. Rodney C. Duckworth»
- Once Upon a Spy (1980) (TV) (som Yuliis Ruval)
- Miracle on Ice (1981) (TV) .... «Flyvertinne»
- Death Ray 2000 (1981) (TV) (som Yuliis Ruval) .... «Ilse Lander»
- The Devil and Max Devlin (1981) .... «Veronica»
- Tordenveien (King of the Mountain) (1981) .... «Jamie Winter»
- Best Defense (1984) (som Yuliis Ruval) .... «Fransk sangerinne»
- Stewardess School (1986) (som Yuliis Ruval) .... «Pen blondine»
Utgjevingar
endre- Feel Great, Be Beautiful over 40, Inside Tips on How to Look Better, Be Healthier and Slow the Aging Process, 1995 ISBN 9781881649618
- Usminket, Historien om Lillian Müller, et norsk barnehjemsbarn, som er blitt et av verdens største sexsymboler, 1998 ISBN 8244502894
Kjelder
endre- ↑ «Onlinemagasinet - Her er Lillians Playboy-karriere». Arkivert frå originalen 7. desember 2004. Henta 13. januar 2010.
- ↑ Tid for detox Nettavisen
- ↑ - Når kroppen er ren, trengs ikke medisiner Fædrelandsvennen
- Denne artikkelen bygger på «Lillian Müller» frå Wikipedia på bokmål, den 19. november 2021.
Bakgrunnsstoff
endre
- Lillian Müller ved The Internet Movie Database (IMDb)