Grimstad kommune
58°18′13″N 008°30′45″E / 58.30361°N 8.51250°E Grimstad er ein kystkommune i Agder fylke. Kommunen grensar til Arendal i aust, Froland og Birkenes i nord og Lillesand i vest. Grimstad fekk bystatus i 1816. I 1971 vart dei tidlegare kommunane Landvik og Fjære slegne saman med Grimstad.
| Grimstad kommune | |||
| kommune | |||
 | |||
|
|||
| Land |  Noreg
| ||
|---|---|---|---|
| Fylke | Agder | ||
| Adm.senter | Grimstad | ||
| Areal | 304 km² | ||
| • land | 273 km² | ||
| • vatn | 31 km² | ||
| Folketal | 24 969 (1. januar 2024) | ||
| Målform | bokmål | ||
| Ordførar | Beate Skretting[1] (H) | ||
| Kommunenr. | 4202 | ||
 Grimstad 58°21′07″N 8°32′40″E / 58.351944444444°N 8.5444444444444°E | |||
 Kart som viser Grimstad kommune.
| |||
| Wikimedia Commons: Grimstad | |||
| Nettstad: www.grimstad.kommune.no | |||
Namnet «Grimstad», opphavleg «Grømstad», er sett saman av gardnamnet «Grøm» (frå elvenamnet Gró(a), ‘elv som veks fort’, og heim) og «stad», frå norrønt stǫð, ‘stø, landingsplass’.[2]
Geografi
endreGrimstad har fleire verna naturområder. To av dei er Marivold og Reddal, som kan brukast til turar. På Hasseltangen vest for Fevik ligg Hasseltangen landskapsvernområde og Søm-Ruakerkilen naturreservat.
Rundt Grimstad sentrum ligg fem heier: Binabben (med utsikt over byen), Kirkeheia, Fløyheia, Møllerheia og Vardeheia. Kommunen har også ein skjergard med mange små og store øyer og holmar. Hesnesøya er godt kjend. Grimstad byselskap har kjøpt opp mange av øyane og holmane og lagt dei ut som friområde, slik som Maløyene, Hampholmen og Teistholmen. Det ytste skjeret i skjergarden heiter Brægen.
Kultur
endreByen har eit utandørs amfiteater i eit steinbrot i Fjæreheia. Teateret vert drive av Kilden teater og vart opna i 1993. Her er over 1000 sitjeplassar.
I 1953 vart den fyrste plastbåten i Noreg produsert og sjøsett av Herbert Waarum (plastbåten sin far). Seinare kom firmaet Herwa plast i Grimstad.
I 2002 vart mikrobryggeriet Nøgne Ø stifta, bryggeriet har motteke ei rad prisar for sitt øl.
Grimstad er òg kjend for at forfattaren Roald Dahl budde her delar av somrane han var i Noreg. Han budde då på Strand hotell på Fevik aust i kommunen.
Avisa i byen heiter Grimstad Adressetidende og kjem ut tre gonger i veka.
Tettstader
endreFolk tilknytte Grimstad
endre- Henrik Ibsen, forfattar. Ibsen budde i Grimstad frå 1844 til 50 som apotekarlærling. Han flytta vidare til Oslo for å studera. Ibsenhuset museum (opna i 1909) var bustad frå 1847.
- Knut Hamsun, forfattar, budde på garden Nørholm frå 1918 til 1952. Han fekk Nobelprisen i litteratur i 1920.
- Clara Thue Ebbell (1880–1971), forfattar
- Dag Otto Lauritzen (f. 1956), tidlegare syklist
- Thor Hushovd (f. 1978), syklist
Kjelder
endre- ↑ «Ordfører Beate Skretting». www.grimstad.kommune.no. Grimstad kommune. Henta 1. november 2019.
- ↑ Nilsen, Jan Erik; Thorsnæs, Geir (14. november 2018). «Grimstad». Store norske leksikon (på norsk bokmål).
- Denne artikkelen bygger på «Grimstad» frå Wikipedia på bokmål, den 17. juni 2020.