Limequat
Limequat er ei sitrusfrukt danna som ei kryssing mellom lime og kumquat. Planten er meir hardfør enn lime, men mindre hardfør enn kumquat.
| Limequat | |
 Limequat | |
| Systematikk | |
| Rike: | Plantar Plantae |
| Klasse: | Magnoliopsida |
| Orden: | Sapindales |
| Familie: | Rutaceae |
| Slekt: | Citrus |
| Art: | Limequat C. × |
| Vitskapleg namn | |
| Citrus × Fortunella | |
Den første kjende kryssinga som gav limequat blei gjort av den amerikanske botanikaren Walter Tennyson Swingle i Florida rundt 1909, og den nye hybriden blei først skildra og namngjeven i 1913. Det finst fleire kultivarar av limequat, danna gjennom ulike kryssingar. Kultivarane Eustis, Lakeland og Tavares har alle namn etter stader i Florida.
Limequatfrukta kan etast med skal, eller kan brukast til å laga marmelade. Fruktjusen kan brukast til å smaksetta mat og drikke. Limequat kan elles brukast på same måte som lime eller sitron.
Frukta blir ikkje produsert i stor skala for sal, men blir dyrka i private hagar og mindre frukthagar. Treet blir også brukt som prydplante. Limequat blir no dyrka i land som Armenia, Japan, Israel, Malaysia, Spania, Storbritannia, Sør-Afrika og USA.
Galleri
endre-
Blomen -
Eustis -
Heil og delt limequat
.JPG)
.jpg)
Kjelder
endre- «Kumquats and kumquat hybrids», Citrus Pages (citruspages.free.fr). Henta 27. august 2015.
- «Limequats», specialtyproduce.com. Henta 27. august 2015.
- Denne artikkelen bygger på «Limequat» frå Wikipedia på dansk, og «Limequat» frå Wikipedia på engelsk den 27. august 2015.
