Limerick

For diktforma, sjå limerickvers.

Limerick (irsk Luimneach) er den tredje største byen i Republikken Irland. Han er administrasjonssete i County Limerick i provinsen Munster midt på vestkysten av Irland. Byen ligg ved elva Shannon og har litt over 90 000 innbyggjarar med om lag 130 000 innbyggjarar i storbyområdet.

Limerick

King John's Castle på sørsida av elva Shannon

Byvåpenet til Limerick

Motto
«Urbs Antiqua Fuit Studiisque Asperrima Belli»
(Ein eldgamal by godt øvd i krigskunsten)

Plassering

Styresmakter

Land
Provins
Grevskap

Irland
Munster
County Limerick

Grunnlagd

812

Geografi

Flatevidd
- By

20,79 km²

Innbyggjarar
- Totalt (2006)
- folketettleik
- Byområde
- Storbyområde

90 778
4 366/km²
52 560
128 996

Koordinatar

52°39′55″N 8°37′26″W / 52.66528°N 8.62389°W

Diverse annan informasjon

Heimeside: www.limerickcity.ie

Historie

Luimneach var opphavleg eit namn på området ved breidda av Shannon-estuaret, som vart kalla Loch Luimnigh. Dei tidlegaste busetjingane i området var på øya Inis Sibhtonn i tida før vikingar kom til staden. Denne øya vart òg kalla Inis an Ghaill Duibh.

Sjølve byen vart grunnlagd av vikingar i 812. Normannarane bygde om byen på 1100-talet med bygg som King John's Castle og St Mary's Cathedral. Under borgarkrigane på 1600-talet hadde byen ei viktig rolle og vart omleira av Oliver Cromwell i 1651 og to gonger av vilhelmittane i 1690-åra. Limerick voks seg rik gjennom handel på 1700-talet, men Act of Union i 1800 og den store hungersnøden førte til ein økonomisk nedgang som først vart avbrote ved den såkalla keltiske tigeren i 1990-åra.

Limerick vart forbunde til jerbanelinja mellom Dublin og Cork i 1848 og til Waterford i 1853. Opninga av sidespor i 1850- og 1860-åra utvikla Limerick til eit kommunikasjonssenter i regionen.

Kjelder

Denne artikkelen bygger på «Limerick» frå Wikipedia på engelsk, den 25. oktober 2007.

The History of Limerick City, av Sean Spellissy (1998)

Bakgrunnsstoff

Wikimedia Commons har multimedia som gjeld: Limerick

LimerickPride Arkivert 2009-09-18 ved Wayback Machine.
Arkitektur i Limerick
Limerick sin historie Arkivert 2007-10-30 ved Wayback Machine.