Linn Kristin Engø
Linn Kristin Langley-Rasmussen Engø (fødd 20. september 1993 i Bergen) er ein norsk politikar for Ap som er fungerande ordførar i Bergen.[1][2]
| Linn Kristin Engø | |||
 | |||
| Fødd | 20. september 1993 (31 år) Flaktveit | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar | ||
| Institusjonar | Bergen kommune | ||
| Utdanna ved | Universitetet i Bergen | ||
| Medlem | Arbeidarane si ungdomsfylking | ||
| Alle verv |
| ||
Frå 25. april 2019 til 27. januar 2020 var ho byråd for barnehage, skule og idrett i Bergen kommune.[3] Ho vart vald som varaordførar i Bergen kommune 22. september 2021.[4]
Bakgrunn
endreEngø vaks opp på Flaktveit i Åsane bydel.[5]
Engø var elev ved Bergen katedralskole frå 2009 til 2012.[5] Ho har ein bachelorgrad i historie med fordjuping i midtaustenhistorie frå Universitetet i Bergen, og ein påbegynt mastergrad i demokratibygging ved same universitet.[6]
Engø har arbeidserfaring som pleieassistent ved sjukeheim, butikkmedarbeidar og frilansjournalist.[6]
Politisk karriere
endreEngø melde seg inn i AUF i ung alder. Som 17-åring måtte ho steppa inn som fungerande fylkesleiar for AUF i Hordaland etter at Tore Eikeland vart drepen på Utøya i terroråtaket 22. juli 2011.[7]
Ved kommunestyrevalet i 2011 vart Engø vald inn som varamedlem i Bergen bystyre, og ved vala i 2015 og 2019 vart ho vald inn som fast bystyrerepresentant.[8][9][10]
Engø jobba som politisk rådgjevar for byrådet Schjelderup under heile funksjonstida til byrådet (22. oktober 2015–25. april 2019); fyrst som politisk rådgjevar for skolebyråd Pål Hafstad Thorsen, og deretter for byrådsleiar Harald Schjelderup.[6]
Då Schjelderup tredde til side og Roger Valhammer danna nytt byråd 25. april 2019, vart Engø utnemnd som byråd for barnehage, skule og idrett.[3]
Engø gjekk av som byråd den 27. januar 2020 sidan partia SV, FNB, Høgre og Frp hadde meldt mistillit grunna Vigilo-saka. Saka handlar om ein skoleapp, som hadde fleire alvorlege tryggleikshol.[11] I juli 2020 fekk ho jobb i næringslivet [12]
I september 2021 vart Engø vald som varaordførar i Bergen kommune og gruppeleiar for Arbeidarpartiet.[13]
Kjelder
endre- ↑ «Bergen kommune - Ordfører Linn Kristin Engø», Bergen kommune (på norsk), henta 24. november 2022
- ↑ «Bergen kommune - Fungerende ordfører Linn Kristin Engø». Bergen kommune (på norsk). Henta 20. november 2022.
- ↑ 3,0 3,1 «Nytt byråd på plass». Bergen kommune (på norsk). Arkivert frå originalen 9. mai 2019. Henta 9. mai 2019.
- ↑ https://www.nrk.no/vestland/ny-ordforer-i-bergen--1.15662522
- ↑ 5,0 5,1 «(+) Linn Kristin Engø (25) er ny skolebyråd. Selv strøk hun i teoretisk matte på Katten.». www.ba.no (på norsk). 27. april 2019. Henta 9. mai 2019.
- ↑ 6,0 6,1 6,2 Bergen kommune. «Curriculum vitae – Linn Kristin Langley-Rasmussen Engø» (PDF). Arkivert frå originalen (PDF) 9. mai 2019. Henta 9. mai 2019.
- ↑ Askvik, Kristine (12. august 2011). «Hun skal føre Hordaland AUF videre». NRK (på norsk bokmål). Henta 9. mai 2019.
- ↑ «Valgresultat for kommunestyrevalget 2011». Bergen kommune (på norsk). Arkivert frå originalen 9. mai 2019. Henta 9. mai 2019.
- ↑ «Bystyret 2015-2019». Bergen kommune (på norsk). Arkivert frå originalen 9. mai 2019. Henta 9. mai 2019.
- ↑ «Slik blir det nye bystyret». Bergen kommune (på norsk). Arkivert frå originalen 13. januar 2020. Henta 13. januar 2020.
- ↑ AS, TV 2. «Byråd i Bergen går av etter skoleapp- skandale». TV 2 (på norsk bokmål). Henta 27. januar 2020.
- ↑ «Politikken direkte», www.bt.no (på norsk bokmål), henta 24. november 2022
- ↑ «Rune Bakervik blir ny ordfører i Bergen». www.bt.no (på norsk bokmål). 23. april 2021. Henta 15. mars 2022. «Han får med seg Linn Engø som ny varaordfører i Bergen om bystyregruppen til Ap får det som de vil.»
- Denne artikkelen bygger på «Linn Kristin Engø» frå Wikipedia på bokmål, den 24. november 2022.
Bakgrunnsstoff
endre- Linn Kristin Engø på nettsida til Bergen kommune.