Ljubov Popova

Ljubov Sergejevna Popova (6. mai 1889–25. mai 1924), var ein russisk kunstmålar. Ho høyrde til mellom dei russiske avantgardistane. Stilartane kubofuturisme og konstruktivisme gjennomsyrar hovudverka hennar.

Ljubov Popova
Statsborgarskap	Sovjetunionen, Det russiske imperiet
Fødd	24. april 1889 Ivanovskoe
Død	25. mai 1924 (35 år) Moskva
Yrke	kunstmålar, universitetslærar, grafikar, illustratør, teiknar, scenograf, collagist, designar, typograf, bygningstegner, motedesigner, kunstnar
Språk	russisk
Sjanger	abstrakt kunst, figure, akt, byprospekt, geometrisk abstraksjon, stilleben
Medlem av	Supremus
Ljubov Popova på Commons

Luft. Menneske. Rom 1912

Utan tittel ca. 1921-22

Liv og gjerning

Popova vart fødd i landsbyen Ivanskoje ved Moskva. Etter å ha studert ulike typar kunst i fleire år, slutta ho seg i Moskva til Vladimir Tatlin og arbeidde saman med han. Hennar verk frå denne tida er prega av kubofuturisme. Saman med Nadesjda Udaltsova la ho i året 1912 ut på ei studiereise til Paris. I Paris arbeidde ho vidare saman med Henri Le Fauconnier, Jean Metzinger og André Segonzac på 'Académie la Palette' i bydelen Montparnasse. 1913 vende Popova heim til Russland, før ho i 1914 reiste til Frankrike og Italia, der ho kom i nærare kontakt med futurismen.

Popova var medlem av gruppa Karo-Bube (Бубновый валет) som stilte ut verk i 1914 i Moskva. Ho deltok også i utstillinga 0,10 i Petrograd to år seinare. Denne siste utstillinga markerte gjennombrotet for non-figurativ kunst i Russland. Popovas verk frå denne tida er inspirert av suprematismen.

Frå 1918 arbeidde Popova som kunstprofessor. Ho tok i 1921 del i ei utstilling av konstruktivist-arbeid. Same året fjerna ho seg frå målarkunsten, arbeidde i staden med bok-, porselen- og tekstildesign og ymse anna.

Popova døydde i 1924 i Moskva av skarlaksfeber, 35 år gammal. Ei minneutstilling med hennar arbeid vart oppsett i desember same året.

Kjelder

• Denne artikkelen bygger på «Lyubov Popova» frå Wikipedia på engelsk, den 3. oktober 2009.

Bakgrunnsstoff

Commons har multimedium som gjeld: Ljubov Popova

Fotnotar