Louis-Nicolas Clérambault

Louis-Nicolas Clérambault (19. desember 1676–26. oktober 1749) var ein fransk musikar, mest kjend som organist og komponist.

Louis-Nicolas Clérambault
Louis-Nicolas Clérambault
Fødd	19. desember 1676
Fødestad	Paris
Død	26. oktober 1749 (72 år)
Dødsstad	Paris
Opphav	Frankrike
Periode	Barokken
Sjanger	Kormusikk, klavermusikk
Instrument	Orgel
Verka som	Komponist og organist

Biografi

Clérambault kom frå ein musikalsk familie (faren og to av sønene hans var òg musikarar). Då han var særs ung lærte han å spele fiolin og cembalo og han studerte orgel hos André Raison. Clérambault studerte òg komponering og song.

Clérambault vart organist i kyrkja Grands-Augustins og gjekk i teneste hos Madame de Maintenon. Etter at Ludvig XIV og Guillaume-Gabriel Nivers døydde, tok han over for sistnemnte på orgel i kyrkja Saint-Sulpice og kongehuset i Saint-Cyr, ein institusjon for unge jenter frå lågadelen. Han var der ansvarleg for musikk, orgelet, dirigere kor osv. Han overtok denne posten etter at Madame de Maintenon døydde, og det var her han utvikla sjangeren «fransk kantate». I 1719 overtok han etter læraren André Raison på orgel i kyrkja Grands-Jacobins.

Verk

Frå Basse et Dessus de Trompette av Clérambault.

Basse et Dessus (Basse de trompette et Dessus de Cornet)

Av dei publiserte verka hans finn ein mellom anna:

• mange religiøse stykke med song og kor (motettar, salmar, Magnificat, Te Deum osv.);
• meir enn 25 verdslege kantater om tema ofte inspirert av gresk-romersk mytologi.
• sonatar for fiolin og basso continuo:
• ei bok med dansestykke for cembalo (1704);
• ei bok med orgelstykke i to suitar (1710)

Kjelder

• Denne artikkelen bygger på «Louis-Nicolas Clérambault» frå Wikipedia på engelsk, den 1. mai 2010.

Bakgrunnsstoff

Commons har multimedium som gjeld: Louis-Nicolas Clérambault

• Gratis notar by Louis-Nicolas Clérambault på Werner Icking Music Archive (WIMA)
• Fritt tilgjengelege notar av Louis-Nicolas Clérambault ved International Music Score Library Project (IMSLP)