Ludmila Formanová
Ludmila Formanová (fødd 2. januar 1974) er ein tsjekkisk tidlegare friidrettsutøvar frå Čáslav som vart verdsmeister på 800 meter i 1999.
| Ludmila Formanová | |
|
| |
| Statsborgarskap | Tsjekkia |
| Fødd | 2. januar 1974 (50 år) Čáslav |
| Idrett | friidrett |
| Tok del i | |
| Utmerkingar |
Senatets minnemedalje i sølv, Jiří Guth-Jarkovský prize |
Aktiv endre
Formanová vart juniorverdsmeister på 800 m i 1993. Fire år seinare lukkast ho å ta seg til finalen på 800 m under friidretts-VM i Aten, der ho enda på femteplassen. Vel eit halvt år etter, i mars 1998, vann ho yndlingsdistansen ved innandørs-EM 1998 i Valencia.
I 1999 braut Formanová den lange sigersrekka til Maria Mutola på 800 m ved å vinne distansen i innandørs-VM med den sterke tida 1.56,90. Gjennom sommarsesongen var Formanová framleis i toppform og den 11. august sprang ho i Zürich sin fortaste 800 m nokon gong, klokka inn på 1.56,56. Tretten dagar seinare, den 24. august, vann ho gullmedaljen på 800 m under verdsmeisterskapen i Sevilla, fattige fire hundredels sekund framom Mutola og på ei tid like over hennar eige, ferske personbeste. Sidan heldt ikkje Formanová same toppnivå, dels grunna skadeplagar.
Medaljar og plasseringar i internasjonale meisterskap endre
- VM 1993 i Stuttgart: Nr 7 i 4 x 400 m stafett
- VM 1995 i Göteborg: Utslått i forsøka på 400 m (52,05=nr 30) og 800 m (2.02,39 =nr 24)
- OL 1996 i Atlanta: Utslått i semifinalane på 800 m (1.59,28 =nr 12). Nr 7 i 4 x 400 m stafett
- VM 1997 i Aten: Nr 5 på 800 m – 1.59,52, og i 4 x 400 m stafett
- EM 1998 i Budapest: Utslått i semifinalane på 800 m (2.00,88 =nr 11). Nr 5 i 4 x 400 m stafett
- VM 1999 i Sevilla: Gullmedalje på 800 m – 1.56,68, framom Maria Mutola (1.56,72)
- OL 2000 i Sydney: Braut forsøksløpet
- EM 2002 i München: Nr 4 – 2.00,23
Kjelder endre
- Denne artikkelen bygger på «Ludmila Formanová» frå Wikipedia på tysk, den 26. mai 2018.