Ludvig Eikaas

norsk kunstnar
(Omdirigert frå Ludvik Eikaas)

Ludvig Eikaas (fødd 20. desember 1920 i bygda Eikaas i Jølster i Sunnfjord, død 5. september 2010) var ein norsk kunstmålar, grafikar og kunstprofessor. Namnet kan òg verta stava Ludvik Eikaas.

Ludvig Eikaas

Ludvig Eikaas i 1969
Foto: Eirik Sundvor/Trondheim byarkiv
Statsborgarskap Noreg
Fødd 20. desember 1920
Død

5. september 2010 (89 år)

Yrke professor, kunstmålar
Ektefelle Synnøve Anker Aurdal
Ludvig Eikaas på Commons

Familie endre

Foreldra til Ludvig Eikaas var gardbrukar Daniel Eikaas og Synnøve Svidal. I 1949 gifta Eikaas seg med tekstilkunstnaren Synnøve Anker Aurdal (1908-2000). Sonen Stig Eikaas er skulptør og aktiv kulturdebattant.[1]

Utdanning endre

I tillegg til dei formelle studia hadde Eikaas fleire studiopphald i fleire europeiske land.

Karriere endre

Eikaas debuterte som målar og grafikar på Høstutstillingen i 1946. Ludvig Eikaas vert rekna som ein svært sentral kunstnar i siste halvdelen av 1900-talet grunna arbeidet hans med måling, skulpturar og særleg grafikk. Han var ein av dei første som laga nonfigurativ kunst i Noreg.[2]. Saman med Gunnar S. Gundersen, Odd Tandberg og Tor Hoff utgjorde Eikaas ei gruppe unge kunstnarar som var pionerar innanfor den nonfigurative kunsten i Noreg. Denne gruppa vart kalla Dødsgjengen.[3]

Ludvig Eikaas sin kunst er å finne i Nasjonalgalleriet/Nasjonalmuseet i Oslo, Riksgalleriet/Nasjonalmuseet, Bergen Billedgalleri/Bergen kunstmuseum, Henie Onstad Kunstsenter, Statens Museum for Kunst i København, Brooklyn Museum of Art, New York, Uffizi-museet i Firenze, det amerikanske Wind Symphony Orchestras permanente samling og i ei rekke private samlingar i inn- og utland.[3]

I Sogn og Fjordane har Ludvig Eikaas laga m.a. utsmykkinga ved inngangen til Sentralsjukehuset i Førde, «Fjordhesten» ved det tidlegare posthuset i Førde, og han er meister for NRK Sogn og Fjordane sin logo «Fjordhesten».[4]

Eikaas vart professorStatens Kunstakademi i Oslo i 1970.

TV-intervju endre

NRK gjorde eit intervju med Ludvig Eikaas i 1999: Ludvig Eikaas og fela vart sendt 7. mars.[5]

Utmerkingar endre

Eikaas var riddar av første klasse av St. Olavs Orden. I 1954 fekk han den internasjonale grafiske pris i Milano.[6] Eikaas vart tildelt Fylkeskulturprisen i 1994.[7] Eikaasgalleriet vart oppkalla etter han då han gav ei stor samling kunst til Jølster kommune.[8]

Bibliografi endre

Bøker endre

I tidsskrift - eit utval endre

Kjelder endre

  1. Kulturnett Sogn og Fjordane: Stig Eikaas
  2. Sogn og Fjordane Kunstmuseum: Ludvig Eikaas - Samlinga - Eikaasgalleriet
  3. 3,0 3,1 Johansen, Jahn Otto, Norsk Biografisk Leksikon: Ludvig Eikaas
  4. Allkunne: Ludvig Eikaas
  5. NRK-intervju med Ludvig Eikaas
  6. Kunsthistorie: Ludvig Eikaas
  7. Sogn og Fjordane fylkeskommune: Fylkeskulturprisen
  8. Eikaasgalleriet

Bakgrunnsstoff endre