Luigi Galvani
Luigi Galvani (9. september 1737–4. desember 1798) var forelesar i anatomi, fysikar, filosof og professor ved Universitetet i Bologna i Italia. Oppdagingane hans førte til oppfinninga av det vi i dag kjenner som batteriet.
| Luigi Galvani | |
 | |
| Statsborgarskap | Kyrkjestaten |
| Fødd | 9. september 1737 Bologna |
| Død |
4. desember 1798 (61 år) |
| Yrke | anatom, fysikar, lege, universitetslærar, oppfinnar |
| Språk | latin, italiensk |
| Ektefelle | Lucia Galeazzi Galvani |
| Luigi Galvani på Commons | |
Galvani forska på elektrisitet i dyr. Han hadde fatta interesse for emnet då han la merke til korleis musklane til ein frosk av og til rykte til. Dette skjedde når frosken låg klår til dissekering på eit bord, der ein òg hadde eksperimentert med statisk elektrisitet. Galvani viste korleis slike rykkingar kunne framkallast ved å kople musklane til ein daud frosk direkte til ein slik maskin. Men den viktigaste observasjonen kom då beina til froskane vart hengt opp på ein messingkrok, som kom i kontakt med eit gjerde av jarn og dei same rykkingane viste seg. Etter å ha freista dette nokre gonger konkluderte han med at rykkingar var lagra eller produsert i musklane til frosken.
Alessandro Volta (1745–1827) var heilt usamd i denne konklusjonen. Han meinte at rykkingane skulda elektrisitet, men at han kom frå ei utvendig kjelde. I Galvani sitt tilfelle var det gnidinga mellom messingkroken og gjerdet av jarn. Gjennom mykje eksperimentering klarte han ikkje berre å vise at han hadde rett, men han fann òg opp voltasøyla. Denne oppfinnelsen kalla han eit galvanisk element til ære for motstandaren sin. I dag kjenner vi elementet som eit elektrisk batteri.
Kjelder
endre- Denne artikkelen bygger på «Luigi Galvani» frå Wikipedia på bokmål, den 14. februar 2013.