Lygna
elv i Noreg
Lygna er ei elv i Agder som renn frå Fjotland til Lyngdal.
Elva, som har gjeve namn til byen ved utløpet, har utspring ved Øyvatn i gamle Fjotland kommune (no Kvinesdal kommune). Elva renn via Eiken og Hægebostad før ho renn ut i Lyngdalsfjorden mellom Årnes og Kvavik i Lyngdal. Det største fallet er på 36 meter i Kvåsfossen.
Namnet kjem frå det norrøne lugn, som tyder stille, og dette er ei god skildring for dei første 7-8 kilometrane, og dei siste fire.
Lygna er i hovudsak ei sjøaureelv, men dei siste åra har òg laksestamma tatt seg opp. I tidlegare tider var òg elva kjent for perlefiske, berre overgått av Litleåna og Audna i Vest-Agder.
Denne geografiartikkelen som har med Agder å gjere, er ei spire. Du kan hjelpe Nynorsk Wikipedia gjennom å utvide han.