Lyngsalpan
69°47′25.228″N 20°10′10.290″E / 69.79034111°N 20.16952500°E
| Lyngsalpan | |||
| fjell | |||
 | |||
| Land |  Noreg
| ||
|---|---|---|---|
| Fylke | Troms | ||
| Høgd | Jiehkkevárri: 1 833 moh. | ||
 Lyngsalpan 69°30′43″N 19°53′33″E / 69.51189°N 19.89262°E | |||
| Wikimedia Commons: Lyngsalpene | |||
Lyngsalpan (også kalla Lyngsfjellan) er eit fjellområde som ligg på halvøya mellom Ullsfjorden og Lyngen i Troms fylke. Det høgaste fjellet i fjellområdet er Jiehkkevárri som også er det høgaste fjellet i Troms. Fjellkjeda har ei lengd på minst 90 km (avhengig av definisjonen sidan fjella går heilt til grensa av Sverige) og ei breidd på 15-20 km. Fjella dominerer Lyngenhalvøya. Den britiske fjellklatraren William Cecil Slingsby var den første til å klatre til toppen av mange av fjelltoppane.
Desse alpine fjella er populære hos ekstremskiløparar og dannar flotte kulissar mot dei blå fjordane. I tillegg til Jiehkkevárri er Store Lenangstind eit av dei mest prominente fjella. Det er fleire isbrear i fjella. Lyngsalpane er høge nok til å skape ein regnskugge i dei lågareliggande områda aust for fjella.
Lyngsalpan ligg hovudsakleg i kommunane Lyngen og Balsfjord, men det er fleire fjell lenger sør og aust. Desse er derimot ikkje like imponerande som Lyngsalpan.
Lyngsalpan vart verna som landskapsvernområde 20. februar 2004. Verneområdet er på 961 km². 1833 m høge Jiehkkevárri ligg midt i verneområdet. Lyngsalpan er verna fordi området har stor naturfagleg verdi som glasiologisk og kvartærgeologisk referanseområde.
Kjelder
endre- Denne artikkelen bygger på «Lyngsalpane» frå Wikipedia på engelsk, den 21. april 2008.
- Wikipedia på engelsk oppgav desse kjeldene:
- J.Tollefsrud. E. Tjørve, P. Hermansen: Perler i norsk natur - en veiviser; Aschehoug, 1991.
- A. Dyer et al «Walks and Scrambles in Norway», ISBN 1-904466-25-7.
- Wikipedia på engelsk oppgav desse kjeldene:
- Fylkesmannen i Troms