MF «Huglo»

Foto: Harald Sætre.
Karriere	Noreg
Namn:	MS «Huglo»
Eigar:	Hardanger Sunnhordlandske Dampskipsselskap
Verft:	Stord Verft på Leirvik
Verftsnummer:	166
Sjøsett:	1962
Teke ut av teneste:	1980
Heimehamn:	Bergen
Kjennemerke:	JXSI
Generelle mål
Type:	Bilferje
Tonnasje:	155 bruttotonnregister, 61 nrt
Lengd:	88,6 fot (27,0 m)
Breidd:	27,2 fot (8,3 m)
Djupgang:	10,1 fot (3,1 m)
Installert effekt :	300 bhk
Framdrift:	3cyl. 2T EV DM (Wichmann Motorfabrikk)
Fart:	12
Passasjerar:	150 passasjerar
Bilar:	12 køyretøy
Karriere	Noreg
Namn:	MF «Ulla-Føre»
Eigar:	Hans Norland
Sett i teneste:	Juni 1980
Heimehamn:	Jørpeland/Stavanger
Karriere	Noreg
Namn:	MF «Bjørneland»
Eigar:	Landsnes Fisk & Transport A/S
Sett i teneste:	Mai 1987
Heimehamn:	Helgøysund/Stavanger
Karriere	Finland
Namn:	MF «Björneland»
Eigar:	J. Valto Oy-Ab
Sett i teneste:	Juni 1989
Heimehamn:	Sysmä
Karriere	Finland
Namn:	MS «Linta»
Eigar:	1989: J. Valto Oy-Ab 1996: Oy Päi-Ke Matkailu Ab 2002: JS Ferryway Ltd.
Sett i teneste:	1989-2012
Heimehamn:	1989: Sysmä 1996: Kuhmoinen 2002: Åbo
Karriere	Finland
Namn:	MS «Isla»
Eigar:	Kuljetus Savolainen Oy
Sett i teneste:	2014
Heimehamn:	Ähtäri

MF «Huglo», i dag MS «Isla», er ei bilferje bygd for Hardanger Sunnhordlandske Dampskipsselskap (HSD) i juni 1962. Ferja vart bygd ved Stord Verft som det 166. fartøyet bygd der. Ferja går i dag i fart i Finland.

Historie

Ferja vart sett inn i ruta Løfallstrand-Gjermundshamn og Jektavik-Flatråker-Nordhuglo. Frå 1973 gjekk ho i ruta Jondal-Tørvikbygd og somrane 1975, 1976 og 1978 i ruta Hatvik-Venjaneset.

Ferja vart i juni 1980 selt til Simon Møkster i Stavanger og same månad seld vidare til Hans Norland som omdøypte ferja «Ulla-Førre». I mai 1987 kjøpte Landsnes Fisk & Transport A/S i Helgøysund ferja og gav ho namnet «Bjørneland».

Ferja vart selt til Finland i juni 1989 for selskapet J. Valto Oy-Ab i Sysmä. Ho fekk først namnet «Björneland» og så i august same året namnet «Linta». Ferja vart ført til Mantyluoto og så over land til innsjøen Vesuärvi. Fram til 1996 gjorde ho rundturar på sjøen. I 1996 vart ho selt vidare til Oy Päi-Ke Matkailu Ab i Kuhmoinen og gjekk i rute mellom Kuhmoinen og Sysmä. Ferja vart i februar 2002 seld til JS Ferryway Ltd. Oy i Åbo og renovert.

Frå 2003 til juli 2011 gjekk ho i sommarute i skjergarden kring Åbo, i ruta Nagu/Nauvoo-Själö/Seilin Saari-Hanka. Ferja fekk i januar 2012 namnet «Isla» og i juli same året vart ho sett i Nystad. I 2013 vart ferja kraftig ombygd og fekk nye motorar på eit verft i Teijo/Tykö, mellom anna fekk ho nytt styrehus frå «Stella», som tidlegare var båten MF «Vengsøy». Frå 2014 går ferja i Rymättylän-ruta for Haapala i skjergarden utanfor Åbo i Bottenvika. Kontraktsperioden går frå 2014 til 2023.

• 
  «Huglo» ved den fyrste ferjekaien på Løfallstrand.

  Foto: Normann kunstforlag
• 
  «Huglo» ved Gjermundshamn.

  Foto: Normann kunstforlag
• 
  MS «Linta» i Finland

Kjelder

• Skipet.no
• Fjordfähren (tysk) Arkivert 2012-12-16 ved Wayback Machine.

Bakgrunnsstoff

• Noverande posisjon