Magli Elster

Magli Elster (21. november 1912–11. mai 1993) var ein norsk lyrikar, omsetjar og litteraturkritikar fødd i Oslo.

Magli Elster
Statsborgarskap	Noreg
Fødd	21. november 1912 Christiania
Død	11. mai 1993 (80 år) Oslo
Yrke	lingvist, omsetjar, skribent, litteraturkritikar, lyrikar, psykolog
Far	Ola Raknes
Mor	Aslaug Vaa
Ektefelle	Torolf Elster
Born	Jon Elster

Magli var dottera til lyrikaren Aslaug Vaa og psykologen og filologen Ola Raknes, og systera til bilethoggaren Anne Raknes. Ho var gift med forfattaren og kringkastingssjefen Torolf Elster, og er mor til samfunnsforskaren Jon Elster.

Ho debuterte i 1952 med samlinga «Trikken går i engen», og gjennombrotet kom med dei glødande kjærleiksdikta i den neste boka, «Med hilsen fra natten».

I 1986 vann Magli og Torolf Elster Fritt Ords Pris for deira fantasirike og meningsfulle bruk av det frie ordet i poesi og prosa og for deira brennande engasjement for flyktningane i verda.

Verk

Diktsamlingar

• 1952 Trikken går i engen (Gyldendal, Oslo)
• 1953 Med hilsen fra natten (Gyldendal, Oslo)
• 1955 Den syngende flåten (Gyldendal, Oslo)
• 1959 En pike av tre (Gyldendal, Oslo)
• 1971 Sekundene (Gyldendal, Oslo)

Omsetjingar

• 1945 Nevil Shute: Mannen med seljefløytene (Aschehoug, Oslo)
• 1949 Quentin Patrick under forfattarnamnet Jonathan Stagge: Stjernene spår død, originaltittel: The stars spell death (Cappelen, Oslo)
• 1959 Tennessee Williams: Orfeus stiger ned, orignialtittel: Orpheus descending
• 1968 Eventyr fra England, originaltittel: English fairy tales (Tiden Norsk Forlag, Oslo)
• 1975 Joanne Oppenheim: På den andre siden av elva (Tiden, Oslo)
• 1975 Benkt-Erik Hedin: Dikt vi har sammen (Tiden, Oslo)