Kattostordenen
| Kattostordenen | |
| |
| Systematikk | |
| Rike: | Planteriket Plantae |
| Underrike: | Viridiplantae |
| Infrarike: | Streptophyta |
| Overrekkje: | Landplantar Embryophyta |
| Rekkje: | Karplantar Tracheophyta |
| Underrekkje: | Frøplantar Spermatophytes |
| Orden: | Kattostordenen Malvales Bercht. & J.Presl, 1820 |
Kattostordenen (Malvales) er ein orden av ekte tofrøbladingar som i moderne botanikk blir plassert i Rosidae-gruppa kalla Eurosidae II. I APG III-systemet omfattar ordenen rundt 6000 planteartar i ni familiar. Av desse har kattostfamilien, solrosefamilien og tysbastfamilien artar som veks i Noreg.
Artane i ordenen er ganske ulike, med få fellestrekk. Plantane i ordenen er hovudsakleg buskar og tre. Dei er gjerne kjenneteikna av spiralstilte, tetthåra blad, som ofte er handnerva. Borken er ofte seig og full av fiber.
Dei fleste familiane har kosmopolitisk utbreiing i tropane og subtropisk klima, med avgrensa utbreiing i tempererte område. På Madagaskar veks tre endemiske familiar frå ordenen - Sphaerosepalaceae, Sarcolaenaceae og Diegodendraceae.
I kattostordenen finn ein balsatre (Ochroma), som er kjend for sin lette ved, og lind (Tilia), som blir brukt til treskjering. Ein bruker frukta frå kakaotreet til sjokolade og kakao, og kolanøtter frå Cola-slekta blei tidlegare brukt til å laga cola. Andre velkjende medlemmer av familien er baobab, bomull, hibiskus og okra.
Kjelder endre
- Denne artikkelen bygger på «Malvales» frå Wikipedia på engelsk, den 3. juli 2017.
- Denne artikkelen bygger på «Kattostordenen» frå Wikipedia på bokmål, den 3. juli 2017.
- Wikipedia på bokmål oppgav desse kjeldene:
- The Angiosperm Phylogeny Group III (2009). «An update of the Angiosperm Phylogeny Group classification for the orders and families of flowering plants: APG III». Botanical Journal of the Linnean Society 161 (2): 105-121. ISSN 1095-8339. doi:10.1111/j.1095-8339.2009.00996.x.
- «Malvales». APWEbsite. Henta 8. februar 2016.
- Wikipedia på bokmål oppgav desse kjeldene:
