Mangalore internasjonale lufthamn

Mangalorere internasjonale lufthamn (Mangalore Airport) (IATA: IXE,  ICAO: VOML), tidlegare kjent som Bajpe Airport, er ei internasjonal lufthamn for kystbyen Mangalore i India. Fleire daglege flygingar forbind Mangalore med dei fleste store byar i det sørlege og det vestlege India, så vel som fleire byar i Midtausten. Flyplassen vart opna som Bajpe Aerodrome den 25. desember 1951 då dåverande statsminister Jawaharlal Nehru kom i eit Dakota-fly. Per 2014 er Mangalore internasjonale lufthamn ein av dei flyplassane som har hatt størst passasjervekst i India, med 54 prosent vekst i den internasjonale trafikken siste åra

Fraktterminalen

Oversyn

Flyplassen ligg nær Bajpe, om lag 20 kilometer nordaust for Mangalore sentrum. Den ligg på ei høgd med to høgtliggande rullebaner (9/27 og 6/24). Berre to andre flyplassar i India har høgtliggande rullebaner: Kozhikode og Lengpui. Terminalbygget var lite, men hadde naudsynte fasilitetar. (2010). Det vart renovert tidleg på 2000-talet med meir sitteplass, bevokta parkeringsplass og fleire nye kaféar. Flyplassen vart opphavleg brukt i avgrensa utstrekking for innanlands trafikk, vesentleg til Mumbai og Bangalore.

Ulukker og hendingar

Mangalore lufthamn ligg i ein region med mykje nedbør. Mindre hendingar som avbrotne landingar hender ofte i monsuntiden. På denne flypassen skjedde ulukka med flest omkomne i India. Dette førte til at nye tryggingstiltak vart sett i verk

• Den 19. august 1981 måtte ein Avro 748 frå Indian Airlines avbryt landinga i monsunregnet. Flygarane gjorde eit nytt forsøk og fekk stoppa like før enden på rullebanen. Det var ingen omkomne, men flyet måtte avskrives. Den etterfølgende granskinga viste at piloten ikkje hadde sett flyets flaps i rett posisjon for landing, og flyet hadde landa for langt inne på banen med for høg fart og med vinden i ryggen. Ingen vart skadd.
• Den 22. mai 2010 måtte ein Boeing 737 frå Air India Express avbryta landinga. Pilotane gjorde eit nytt landingsforsøk, havarerte og 158 pasasjerer og besetning omkom. Berre åtte overlevde katastrofen. Flyet havarerte då dei avbraut landinga andre gong og styrta i ein djup grøft ved enden av rullebanen. Styrbord vinge traff ein betongsokkel for ILS-systemet med localiser og antenne og sette systemet ut av drift. Dette førte til forseinkingar og kanselleringar i to veker i monsuntida med redusert sikt. Det tok flyplassen nesten ein månad å reparera skadane, kalibrera ILS og setja det istand igjen.

Kjelder

• Denne artikkelen bygger på «Mangalore internasjonale lufthavn» frå Wikipedia på bokmål, den 6. oktober 2018.