Marija Itkina

Marija Leontjevna Itkina (3. mai 1932–1. desember 2020) var ein sovjetisk, kviterussisk friidrettsutøvar frå Smolensk som tevla for Sovjetunionen. I tida 1954 til -64 vann ho mange meistertitlar på 200 m og 400 m, og sette fleire verdsrekordar.

Marija Itkina
Fødenamn	Мария Леонтьевна Иткина
Statsborgarskap	Russland, Sovjetunionen, Belarus
Fødd	3. mai 1932 Roslavl
Død	1. desember 2020 (88 år) Minsk
Idrett	friidrett
Tok del i	Sommar-OL 1964, Sommar-OL 1960, Sommar-OL 1956
Utmerkingar	Ærestegnets orden, «Arbeidets helt«-medaljen, Idrettens mester i Sovjetunionen

Aktiv

Itkina fekk sitt internasjonale gjennombrot då ho i EM 1954 i Bern vann 200 m på 24,3 sekundar og deltok på Sovjetunionen sitt sigrande lag på 4x100 m stafett. Året etter sette ho ein uoffiseill verdsrekord på 400 m med 53,9. Ho vart nummer sju på 200 m under OL i Melbourne hausten 1956.

I juni 1957 fekk Itkina notert ein offisiell verdsrekord på 54,0 i Minsk, og vel ein månad seinare ein ny på 53,6 i Moskva. Itkina vart så europmeister på 400 m under EM i friidrett 1958 i Stockholm, og fekk bronsemedaljen på 200 m. Den 12. september 1959 i Krasnodar forbetra ho verdsrekorden på 400 m til 53,4.

Under sommarleikane i Roma hamna Itkina på fjerdeplass i tre tevlingar; både på 100 m, 200 m og 4x100 m stafett. Ho vann sitt fjerde EM-gull då ho tangerte verdsrekorden sin på 400 m i Beograd i 1962. Itkina la opp etter å ha vorte nummer fem på 400 m under OL 1964 i Tokyo.

Kjelder

• Denne artikkelen bygger på «Marija Itkina» frå Wikipedia på tysk, den 27. august 2014.