Marina Lewycka

Marina Lewycka (f. 1946 ) er ein engelsk forfattar av ukrainsk opphav frå Sheffield i England.

Marina Lewycka
Statsborgarskap	Storbritannia
Fødd	12. oktober 1946 (78 år) Kiel
Yrke	skribent, romanforfattar, lærar
Marina Lewycka på Commons

Lewycka vart fødd i ein flyktningleir i Kiel i Tyskland etter den andre verdskrigen. Ho flytta som barn med familien sin til England der ho bur no. Ho vart utdanna ved Keele University, og er no lærar i mediafag ved Sheffield Hallam University.

Debutromanen hennar, A Short History of Tractors in Ukrainian (En kort historie om traktoren i Ukraina, Gyldendal, 2006, ISBN 82-05-33379-3), fekk Bollinger Everyman Wodehouse Prize ved Hay litteraturfestivalen, og vart nominert til The Man Booker Prize og Orange Prize for Fiction i 2005. Romanen er omsett til meir enn 20 språk, mellom anna nederlandsk, norsk og italiensk.

Utanom diktinga si har Lewycka skrive fleire bøker med praktiske råd for eldre menneske, utgjevne av den engelske ideelle organisasjonen Age Concern.

Bakgrunnsstoff

• Intervju med Marina Lewycka i Klassekampen, 20. mars 2006 Arkivert 2006-09-04 ved Wayback Machine.
  Denne litteraturartikkelen er ei spire. Du kan hjelpe Nynorsk Wikipedia gjennom å utvide han.