Marina Silva

brasiliansk politikar

Maria Osmarina Marina Silva Vaz de Lima (fødd 8. februar 1958 i Breu Velho i delstaten Acre) er ein brasiliansk miljøvernforkjempar og politikar. Ho er kjend for sitt vellukka arbeid med å redusere avskoging av Amazonas.

Marina Silva

Marina Silva
Foto: Valter Campanato/ABr
Statsborgarskap Brasil
Fødd 8. februar 1958 (66 år)
Rio Branco
Yrke politikar, fagforeiningsleiar, miljøvernar
Språk portugisisk, brasiliansk portugisisk
Politisk parti Rede Sustentabilidade
Medlem av Green Party
Religion Evangelikalisme, Pinserørsla
Nettstad http://marinasilva.org.br
Marina Silva på Commons

Biografi endre

Marina Silva vaks opp som eitt av tolv sysken i ein gummitapparfamilie i delstaten Acre i Brasil. 16 år gamal blei ho send til Rio Branco for behandling av hepatitt. På dette tidspunktet var ho framleis analfabet. Seinare jobba Silva som hushjelp. Samstundes lærte ho seg å lese, fekk offentleg skuleplass, og byrja studera historie. I løpet av denne tida blei ho påverka av miljøaktivisten Chico Mendes, og blei sjølv ein forkjempar for regnskogen i Amazonas. I 1994 blei ho som den yngste kvinna nokonsinne vald til senator i Den brasilianske nasjonalforsamlinga. Ho jobba deretter som miljøvernminister i Lula si regjering frå 2003 til 2008, då ho gjekk av i protest mot den aukande motstanden mot antiavskogingsarbeidet.[1] Marina Silva starta si partipolitiske karriere i Partido dos Trabalhadores (Arbeidaranes parti), men gjekk over til Partido Verde (Dei grøne) i 2009. I 2013 melde ho overgang til det brasilianske sosialistpartiet, Partido Socialista Brasileiro.[2] I april 2014 blei ho lansert som Eduardo Campos' visepresidentkandidat ved valet i oktober 2014. Etter at Campos omkom i ei flyulykke 13. august 2014, rykka ho opp som presidentkandidat.[3] Ho fekk tredje flest stemmer i den første valomgangen av presidentvalet, 5. oktober 2014, etter sitjande president Dilma Rousseff og Aécio Neves.

Miljøpolitikk endre

Marina Silva har ført ei hard line ovanfor ulovleg skogbruk. I perioden 2004-2007 blei avskoginga redusert med 60 %.

Prisar endre

Referanser endre

Bakgrunnsstoff endre

  Commons har multimedium som gjeld: Marina Silva