Marita

Marita og Maritha er kvinnenamn med fleire moglege opphav.

Marita Liabø er ein norsk forfattar.

Foto: Jarle Vines

Namna kan vera skandinaviske kortformer av det latinske namnet Margarita, avleidd av det greske Margarites som tyder 'perle'. Namnet kan også vera ei spansk og tysk kjæleform av Maria. Marit, Margit og Rita er nærskylde namn.

Marita har norsk namnedag den 27. juli og svensk den 22. oktober.

Bruk

Namnet var særskild populært i Noreg rundt 1990, då det blei gjeve til 0,7 % av nyfødde jenter. I 2009 var det rundt 4 419 norske kvinner som heitte Marita, og 137 som heitte Maritha.

I Sverige var namnet særleg vanleg på 1940- og 50-talet.

Namneberarar

• Marita Bonner (1899–1971), amerikansk forfattar
• Marita Lindquist (f. 1918), finlandssvensk forfattar
• Marita Fossum (f. 1965), norsk forfattar
• Marita Liabø (f. 1971), norsk forfattar
• Marita Eide (f. 1990), norsk fotballspelar

Sjå òg

• Maritastiftelsen

Bakgrunnsstoff

• Søk etter norsk namnestatistikk for Marita hjå Statistisk Sentralbyrå