Yellowknife
Yellowknife (uttalt /ˈjɛloʊnaɪf/) er hovudstaden og den største byen i Nordvestterritoria i Canada, med 18 700 innbyggjarar (2006). Byen ligg på nordsida av Great Slave Lake, på vestsida av Yellowknife Bay, nær munningen til elva Yellowknife. Byen har ei blanding av etnisitet og fem offisielle språk er utbreidd: engelsk, fransk, dene suline, dogrib og sør og nord slavey. På dogrib heiter byen Somba K'e («der pengane er»). Byen vart først busett i 1935, etter at det vart funne gull i området. Byen voks fram som ein viktig regional handelsstad, og vart hovudstad i 1967. Etter at gruvedrifta vart redusert, voks Yellowknife på 1980-talet fram meir som ein administrasjonsby. Nye funn av diamantar nord for byen kan kanskje endre denne trenden.
| Yellowknife | |||
| by | |||
 Yellowknife sentrum
| |||
| Motto: Multum In Parvo ('Mykje på ein liten stad.') | |||
| Kallenamn: The Knife, YK | |||
| Land |  Canada
| ||
|---|---|---|---|
| Provins | Nordvestterritoria | ||
| Høgd | 206 m | ||
| Areal | 136 km² | ||
| Folketal | 18 700 (2006) | ||
| Folketettleik | 177,7 / km² | ||
| Tidssone | MST (UTC-7) | ||
| Postnummer | X1A | ||
| Retningsnummer | 867 | ||
 Yellowknife 62°26′32″N 114°23′51″W / 62.442222222222°N 114.3975°W | |||
| Wikimedia Commons: Yellowknife | |||
Kjelder
endre- Denne artikkelen bygger på «Yellowknife» frå Wikipedia på bokmål, den 8. september 2010.
