Mathias Boye
Mathias Andreas Boye (9. februar 1796–18. april 1872) var ein norsk skulemann, tollar og stortingsmann frå Kongsberg. Peter Christian Boye var ein eldre bror.
| Mathias Boye | |
 | |
| Statsborgarskap | Noreg |
| Fødd | 9. februar 1796 Kongsberg kommune |
| Død | |
| Yrke | embetsmann, politikar, rektor, redaktør |
| Språk | norsk |
| Far | Engelbreth Boye |
Boye var fødd på Kongsberg, der far hans då var rektor. Sjølv vart han i 1814 student frå Trondhjems skole. 1815-16 budde han i København, frå 1817 var han lærar ved den nyopretta lærde skulen i Drammen, overlærar der frå 1819. Frå 1825 var han konstituert rektor ved katedralskulen i Kristiansand. Han vart lova fast stilling når han hadde teke embetseksamen. Denne tok han aldri, likevel var han rektor i ei rekke av år. År 1849 vart han tollkasserar i Kristiansand, flytta i 1858 over i tilsvarande ombod i Larvik.
Boye møtte på Stortinget 1833 frå 28. mars som 1. varamann frå Kristiansand. Han var då medlem av kyrkjekomiteen. Mange år seinare, i 1857 og på overordentleg storting 1858, representerte han på ny byen på Stortinget. Då var han medlem av Lagtinget og tollkomiteen.
Han døydde i Larvik i 1872.
Kjelder Endra
- Lindstøl, Tallak:Stortinget og Statsraadet 1814-1914. Kristiania, 1914
Bakgrunnsstoff Endra
- Biografisk informasjon om Mathias Boye NSD Norsk senter for forskningsdatas politikararkiv