Peter Christian Boye
Peter Christian Boye (4. mars 1790–23. juli 1880) var ein prest, gardbrukar og stortingsmann frå Kongsberg. Mathias Boye var ein yngre bror.
| Peter Christian Boye | |
| Statsborgarskap | Noreg |
| Fødd | 4. mars 1790 Kongsberg kommune |
| Død | |
| Yrke | prest, politikar |
| Språk | norsk |
| Religion | Den evangelisk-lutherske kyrkja |
| Far | Engelbreth Boye |
Boye var fødd på Kongsberg, som son av ein rektor. Han voks dels opp i Trondheim, og var, etter han vart cand. theol. i 1813, adjunkt i byen i tre år. Deretter var han sju år residerande kapellan i Støren. Sokneprest i Sør-Aurdal 1823-29, og Overhalla 1829-35. Frå 1835 til 1859 var han sokneprest i Jevnaker, i tida 1838-51 også prost i Ringerike og Hallingdal.
Boye var 1. representant frå Nordre Trondhjems amt på Stortinget i 1836, og på overordentleg storting 1836-37. Han var i 1836 medlem av kyrkjekomiteen og i 1836-37 av næringskomiteen.
I 1859 tok Boye avskjed frå presteembetet. Han busette seg då på garden Hofstad i Asker og dreiv denne. Der døydde han i 1880.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Peter Christian Boye NSD Norsk senter for forskningsdatas politikararkiv