Memphis Beat av Jerry Lee Lewis

Memphis Beat Studioalbum av Jerry Lee Lewis
Utgjeve	1966
Innspelt	1963, 1965, 1966
Sjanger	Rock, country
Lengd	29:58
Selskap	Smash
Produsent	Shelby Singleton
Jerry Lee Lewis-kronologi
Country Songs for City Folks (1965)	Memphis Beat	By Request: More of the Greatest Live Show on Earth (1966)

Memphis Beat er eit studioalbum av Jerry Lee Lewis. Det kom ut på Smash Records i 1966.

Innspeling

Meir enn halvparten av songane på Memphis Beat vart spelte inn 5. og 6. januar 1966 i Phillips Studio i Memphis i Tennessee. Dei andre songane vart henta frå ei innspeling i New York City åtte månader tidlegare og frå den første innspelinga til Lewis for Smash i 1963. Albumet inneheld ein sjeldan Lewis-original, kalla «Lincoln Limousine», som var ei forvirra hyllest til John F. Kennedy. I boka si Jerry Lee Lewis: Lost and Found, skriv Joe Bonomo at songen er «rett og slett rar, så fleirtydig og amatøraktig skriven at det er umogeleg å sjå nøyaktig kva som motiverte han til å skrive songen.» Albumet inneheld òg «Too Young», ein piano-lounge-song som Bonomo rekna som «ein god latter» og «hysterisk ukomfortabel». Lewis gjer det betre på «Wine Spo-Dee-O-Dee» og George Jones-klassikaren «She Thinks I Still Care», men albumet inneheld ingen nye hittar.

Mottaking

Etter Memphis Beat kom ut i mai 1966 nådde det berre 145. plassen på Billboard-lista, trass i solid marknadsføring frå Smash og ganske greie meldingar. Den kommersielle nedturen til Lewis fortsette fram til 1968, då han omsider klarte å bryte gjennom på countrylistene med Another Place, Another Time. I 2014 skreiv Lewis-biografiforfattaren Rick Bragg «Gjennom midten av 1960-åra spelte han inn det eine albumet etter det andre med andre folk sin musikk. Men ikkje noko av det var eigentleg nytt.» Bruce Eder frå AllMusic hylla albumet: «Etter ein skarp sving inn i country (og country-pop) med Country Songs for City Folks, kom Jerry Lee Lewis brølande attende med Memphis Beat i 1966, den hardaste rocken hans på mange år, og eit band så var så bra som noko anna han spelte med.»

Innhald

Side A

Nr.	Tittel	Låtskrivar(ar)	Lengd
1.	«Memphis Beat»	M. Haddington D. Lipscomb A. Reynolds	2:52
2.	«Mathilda»	G. Khoury H. Thierry	2:17
3.	«Drinkin' Wine, Spo-Dee-O-Dee»	S. McGhee J. Williams	2:17
4.	«Hallelujah I Love Her So»	Ray Charles	2:32
5.	«She Thinks I Still Care»	D. Lipscombe	2:50
6.	«Just Because»	S. Robin B. Shelton J. Shelton	2:00

Side B

Nr.	Tittel	Låtskrivar(ar)	Lengd
1.	«Sticks and Stones»	Titus Turner	2:06
2.	«Whenever You're Ready»	Cecil Harrelson	1:50
3.	«Lincoln Limousine»	Jerry Lee Lewis	2:38
4.	«Big Boss Man»	Luther Dixon Al Smith	2:52
5.	«Too Young»	S. Dee S. Lippman	3:00
6.	«The Urge»	Donnie Fritts	2:44

Kjelder

• Denne artikkelen bygger på «Memphis Beat (Jerry Lee Lewis album)» frå Wikipedia på engelsk, den 15. august 2017.