Tiol

Tiolar (stundom kalla merkaptanar) er organiske sambindingar med svovel som er analoge til alkoholane. Dei skil seg frå alkoholane ved at oksygenatomet i hydroksylgruppa (-OH) til alkoholane er bytt ut med eit svovelatom, slik at tiolane inneheld tiolgruppa -SH (sulfhydrylgruppe). Ved oksidasjon vert tiol omdanna til sulfonsyrer. Tiolane med enklare oppbygging er flyktige sambindingar med ei særs vond lukt.

Den generelle strukturen til ein tiol (tiolgruppa i blått)

Metantiol (CH₃SH) vert mellom anna danna ved cellulosekoking etter sulfatmetoden og er hovudårsaka til den gjennomtrengjande lukta som er kring fabrikkar som arbeider etter denne metoden.

Etantiol (CH₃CH₂SH) er tilsett propan og butan i små mengder som luktstoff slik at gass som lek ut skal kunna oppdagast.

Kjelder

«merkaptaner» i Store norske leksikon, snl.no. Henta 16. januar 2017.

«tioler» i Store norske leksikon, snl.no. Henta 16. januar 2017.

Denne kjemiartikkelen er ei spire. Du kan hjelpe Nynorsk Wikipedia gjennom å utvide han.