Meyer Foshaug

Meyer Nilsson Foshaug (15. juni 1868–6. juni 1955) var ein norsk gardbrukar og stortingsmann frå Målselv i Troms. Bortsett frå perioden 1922-24, då han representerte Norges Socialdemokratiske Arbeiderparti, var han stortingsrepresentant for Arbeidarpartiet. Foshaug var saman Jørg Berge, Alfred Eriksen og John Lind-Johansen dei aller fyrste stortingsrepresentantane for Arbeidarpartiet.

Meyer Foshaug
Fødd	15. juni 1868 Målselv kommune
Død	6. juni 1955 (86 år)
Statsborgar av	Noreg
Parti	Arbeidarpartiet
Yrke	politikar, bonde
Alle verv	stortingsrepresentant (1903–1906) stortingsrepresentant (1906–1909) stortingsrepresentant (1910–1912) stortingsrepresentant (1913–1915) stortingsrepresentant (1916–1918) stortingsrepresentant (1919–1921) stortingsrepresentant (1922–1924) stortingsrepresentant (1928–1930) vararepresentant til Stortinget (1931–1933) stortingsrepresentant (1934–1936) stortingsrepresentant (1937–1945)

Han var fødd på garden Fosshaug i Målselv, der far hans dreiv gard. 25 år gammal tok han over ein tredel av farsgarden og bygde sitt eige gardsbruk. Dette bruket dreiv han sidan. Han var medlem av heradsstyret i Målselv 1900-03.

Foshaug representerte Tromsø amt på Stortinget 1903-06, Senja krins 1906-18, Malangen krins 1919-21 og Tromsø fylke 1922-24 og 1928-45. Valbolken 1931-33 var han 1. varamann, møtte då delar av 1931- og heile 1932-sesjonen. Han var 1903-09 medlem av gasje- og pensjonskomiteen, medlem 1910-12 av, sekretær 1913-24 og formann 1928-30 i vegkomiteen. 1934-36 medlem av og 1937-45 formann i veg- og jarnbanekomiteen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Meyer Foshaug NSD Norsk senter for forskningsdatas politikararkiv