Millie Kirkham

Millie Kirkham (fødd 24. juni 1923 som Mildred Eakes, daud 14. desember 2014) var ein USA-amerikansk songar som song på mange hitinnspelingar frå midten av 1950-åra til ut i 1980-åra.

Millie Kirkham
Fødd	24. juni 1923
Fødestad	Hermitage
Død	14. desember 2014 (91 år)
Dødsstad	Nashville
Opphav	USA
Instrument	vokal
Stemmetype	sopran
Verka som	songar

Biografi

Kirkham var kjend som «Nashville-sopranen» på mange hitsongar og vart ofte rekna som eit femte medlem av The Jordanaires. Ho arbeidde med Patsy Cline, Roy Orbison, Brenda Lee, Eddie Arnold, Elvis Presley og George Jones («He Stopped Loving Her Today»).

Kirkham vart først kjend i 1957 på Ferlin Husky- hitten «Gone», der ho song harmonivokal. Elvis Presley ønskte etter dette å ha ho med på innspelingane sine, og ho deltok på Elvis Presley sin versjon av «Blue Christmas». For Presley song ho på innspelingar som «My Wish Came True», «The Wonder Of You», «Surrender», «How Great Thou Art», «Polk Salad Annie», «Bridge Over Troubled Water», «Don't», «Just Pretend», «(You're The) Devil in Disguise», «C.C. Rider» og mange andre.

I februar 2008 stod ho på scenen i «Nashville celebrates Elvis at the Ryman» i lag med George Klein (Emcee), Pat Boone, David Briggs, Vince Gill, Amy Grant, Wanda Jackson, Wynonna Judd, Ray Walker frå Jordanaires, Ronnie McDowell, TG Sheppard, BJ Thomas og tidlegare medlemmar frå J.D. Sumner & the Stamps.

Delvis diskografi

År	Song	Artist
1956	Gone	Ferlin Husky
1957	Blue Christmas	Elvis Presley
1957	My Wish Came True	Elvis Presley
1958	Anna Marie	Jim Reeves
1960	I'm Sorry	Brenda Lee
1960	Poetry In Motion	Johnny Tillotson
1962	Back In Baby's Arms	Patsy Cline
1963	Pretty Woman	Roy Orbison
1969	Running Bear	Sonny James
1980	He Stopped Loving Her Today	George Jones

Kjelder

• Denne artikkelen bygger på «Millie Kirkham» frå Wikipedia på engelsk, den 3. november 2016.
  • Wikipedia på engelsk oppgav desse kjeldene:

Bakgrunnsstoff

• Millie Kirkham ved The Internet Movie Database (IMDb)