Mirza Džomba
Mirza Džomba (fødd 28. februar 1977) er ein kroatisk tidlegare handballspelar frå Rijeka, landslagsspelar 1997-2008. Han vart verdsmeister 2003 og olympisk meister 2004 med Kroatia sitt landslag og vinnar av meisterligaen 2006 med Ciudad Real. Han spelte på høgrekanten i angrep.
| Mirza Džomba | |
|
| |
| Statsborgarskap | Kroatia |
| Fødd | 28. februar 1977 (47 år) Rijeka |
| Idrett | handball |
| Tok del i | |
Karriere endre
Landslagsspel endre
Džomba var ein sentral spelar i det kroatiske mannskapet som frå 2003 hevda seg i verdstoppen i internasjonal handball. Såleis vann han gullmedalje ved verdsmeisterskapen 2003 og i dei olympiske leikane 2004, sidan fekk han sølvmedalje i såvel handball-VM 2005 som i handball-EM 2008. År 2004 skåra han han flest mål, 46, av alle i europameisterskapen i Slovenia, medan han i Sommar-OL 2004 i Aten skåra nest flest mål i handballturneringa. I alt skåra Džomba 719 mål på sine 173 landskampar, einast Domagoj Duvnjak har skåra fleire.
Klubbspel endre
Džomba var aktiv for RK Zagreb frå 1997 til 2001. Deretter gjorde han teneste i ungarske Veszprém KC i tre sesongar. Sidan spelte han på spanske Ciudad Real i tida 2004 til 2007. Han fór så tilbake til RK Zagreb og spelte nye tre sesongar, før han avslutta med spel for polske KS Kielce i 2010/11-sesongen. Džomba tok del i fem meisterligafinalar, to med RK Zagreb, ein med Vezprem og ein med Ciudad Real enda med tap. Fyrst i sin siste meisterliga, i 2006 med Ciudad Real mot San Antonio, stod Džomba att som triumfator.
Merittar endre
- Handball-VM 1997 for menn: Nr 13
- Handball-EM 1998 for menn: Nr 8
- Handball-VM 1999 for menn: Nr 10
- Handball-EM 2000 for menn: Nr 6
- Handball-VM 2001 for menn: Nr 9
- Handball-EM 2002 for menn: Nr 16
- Handball-VM 2003 for menn: Gullmedalje, siger over Tyskland
- Handball-EM 2004 for menn: Nr 4
- Sommar-OL 2004: Gullmedalje, siger mot Tyskland
- Handball-VM 2005 for menn: Sølvmedalje, tap mot Spania
- Handball-EM 2006 for menn: Nr 4
- Handball-VM 2007 for menn: Nr 5
- Handball-EM 2008 for menn: Sølvmedalje, tap mot Danmark
- Sommar-OL 2008: Nr 4
- Vinnar av EHF-meisterligaen: 2006 for Ciudad Real
- Kroatisk seriemeister: 1997, 1998, 1999, 2000, 2008, 2009, 2010 for RK Zagreb
- Kroatisk cupmeister: 1998, 1999, 2000 for RK Zagreb
- Ungarsk seriemeister: 2002 og 2003 for Vezprem
- Ungarsk cupmeister: 2002 og 2003 for Vezprem
- Spansk seriemeister: 2007 for Ciudad Real
- Spansk cupmeister: 2005 og 2006 for Ciudad Real
Kjelder endre
- Denne artikkelen bygger på «Mirza Džomba» frå Wikipedia på tysk, den 15. oktober 2023.
- Denne artikkelen bygger på «Mirza Džomba» frå Wikipedia på engelsk, den 15. oktober 2023.