Morten Olsson Lundberg

Morten Olsson Lundberg (20. november 1834–16. mai 1889) var ein norsk lærar, gardbrukar, ordførar og stortingsmann frå Bardu i Troms.

Morten Olsson Lundberg
Fødd	20. november 1834 Bardu kommune
Død	16. mai 1889 (54 år)
Statsborgar av	Noreg
Yrke	politikar, lærar, bonde, kyrkjesongar
Alle verv	stortingsrepresentant (1874–1876) ordførar i Bardu (1873–1882) ordførar i Bodin (1884–1889) stortingsrepresentant (1877–1879)

Lundberg var son av ein gardbrukar i Bardu. Sjølv gjekk han seminaret i Tromsø, der han tok eksamen i 1858. Dei neste 24 åra, fram til 1882, var han lærar i Bardu. I 1866 gifta han seg til ein gard i bygda, så han var gardbrukar òg. År 1882 vart han tilsett som lærar og kyrkjesongar i Bodin i Nordland.

Lundberg var ordførar 1873-82 i Bardu og 1884-89 i Bodin. Han hadde elles andre kommunale verv både i Bardu og seinare i Bodin.

Lundberg var stortingsmann frå Tromsø amt frå 1874-79. I begge dei to stortingsperiodane var han medlem av budsjettkomiteen.

Han døydde i Bodin i 1889.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Morten Olsson Lundberg NSD Norsk senter for forskningsdatas politikararkiv