Myklebust i Skifjorden
- Det er ein til gard som heiter Myklebust i Hyllestad kommune, sjå Myklebust i Hyllestadfjorden.
Myklebust, tidlegare skrive Myklebost, er ein matrikkelgard i Hyllestad kommune i Vestland fylke. Garden har matrikkelnummer 8.[2][3]
| Myklebust | |||
| stad | |||
| Land |  Noreg
| ||
|---|---|---|---|
| Fylke | Vestland | ||
| Kommune | Hyllestad | ||
| Postnummer | 6958 SØRBØVÅG[1] | ||
| Gardnummer | 8[2][3] | ||
Geografi
endreMyklebust ligg austsida inst i Skifjorden. Garden grensar til Seljevoll i vest, til Fjaler kommune i aust og nord og til Bjørnestad i sør.[3] Fylkesveg 5655 går over garden.[4]
Historie
endreMyklebust er fyrste gong nemnt i kjeldene i reknskapen til Munkeliv kloster frå 1175. Klosteret eigde Myklebust til 1536 (reformasjonen) då garden kom i kongen si eige. Frå 1660-åra vart garden eigd av ymse embetsmennsslekter, fram til brukarane kjøpte seg ut frå 1793 til 1844.
På Myklebust har det vore drive tjørebrenning og sagbruk i gammal tid. Frå 1920 til kring 1960 var det drive kassefabrikk på garden, og på 1930-talet opna Skifjord Trevarefabrikk.[3]
Namnet
endreNamnet tyder den store garden, og Myklebust er også den største garden i Skifjorden. I kjeldene er namnet skrive «Miklibolstadher» (DN. XII 232 c. 1490), «Møglebostad» (NRJ. II 140), «Møgelbosta» (1563). «Mychelbustad» (1603). «Møchelbustad» (1608) og «Møchlebust» (1667 og 1723).[5]
Myklebust er brukt som stadnamn mange andre stader i landet òg.
Statens kartverk godkjende skrivemåten «Myklebust» i 2003 og avslo samtidig å godkjenne «Myklebost».[6]
Gardsnamnet vert også brukt som slektsnamn.
Sjå òg
endreKjelder
endre- ↑ «Postnummerkart på nettstaden til Posten». Vitja 23. november 2010
- ↑ 2,0 2,1 «Gardsleksikon på nettstaden til Sogn og Fjordane Fylkesarkiv». Vitja 24. november 2010
- ↑ 3,0 3,1 3,2 3,3 Inger Kellmer (1990). «Myklebust : Gnr. 8». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 61. ISBN 8299219817.
- ↑ «Nettstaden visveg.no (Statens vegvesen)». Henta 23. november 2010.
- ↑ «Oluf Rygh: «Myklebost» i Norske Gaardnavne på nettstaden til Sogn og Fjordane Fylkesarkiv».
- ↑ «yr.no». Vitja 24. november 2010
Vidare lesnad
endre- Inger Kellmer (1990). «Myklebust : Gnr. 8». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 61-79. ISBN 8299219817.