Bjørnestad i Hyllestad
Bjørnestad er ein matrikkelgard i Hyllestad kommune i Sogn og Fjordane fylke. Garden har matrikkelnummer 9.[2][3]
| Bjørnestad | |||
| stad | |||
| Land |  Noreg
| ||
|---|---|---|---|
| Fylke | Sogn og Fjordane | ||
| Kommune | Hyllestad | ||
| Postnummer | 6958 SØRBØVÅG[1] | ||
| Gardnummer | 9[2][3] | ||
| Ferdselsårer | Fv65[4] | ||
Geografi
endreBjørnestad ligg på austsida av nordarmen til Skifjorden og grensar i nord til Myklebust, mot Rutle og Teige i nordaust og mot Vågane i sør.[3] Fylkesveg 65 i Sogn og Fjordane går over garden.[4]
Historie
endreDet var fire bruk på garden frå 1876 og brukarane vart sjølveigande mellom 1805 og 1857. Garden var bondegods også i gammal tid, men han kom i eiga til kongen i 1617, og sidan var han ei tid del av Svanegodset, før ymse embetsmannslekter eigde bruka fram til leiglendingane kjøpte seg ut.[3]
Det har vore sag på Bjørnestad minst sidan 1600-talet, og det var også kvern der. Fiske har vore ein viktig del av næringsgrunnlaget.[4]
Landhandleri, post, kai og dampskipsstoppestad
endreDet vart drive landhandel på garden frå 1908. Landhandleriet vart seinare flytt ned til sjøen og det vart bygd kai.[3] Oppsitjarane i Skifjorden hadde i eit par tiår arbeidd for å få Fylkebaatane til å leggje dampbåtrute innom fjorden, og då arbeidet førte fram kring 1920 kom Bjørnestad inn som stoppestad. Stoppestaden på Bjørnestad vart lagt ned i 1964.[5]
Frå 1908 var det brevhus på Bjørnestad, med postnummer 5945 BJØRNESTAD. I 1920 vart brevhuset omgjort til postopneri og postnummeret vart endra til 5945 SKIFJORD. Postopneriet vart nedlagt 1. mars 1968.[6]
Skifjorden skule og Skifjord bedehus
endreSkulen for Skifjord-krinsen vart sett opp på garden, og det vart bygd eit bedehus der.[4] Skifjord bedehus var bygd av Gerhard Folkestad i 1914.[7]
Namnet
endreNamnet kjem av førenamnet Bjarni eller Bjørn og viser at det har vore drive gardsdrift på staden i 1000-1500 år.[3] I kjeldene er namnet skrive «Biørnestad» (NRJ. II 140), «Biørnnestadt» (1563), «Biørnestad» (1567), «Biørnstad» (1603 og 1608), «Biørnesta» (1667) og «Biørnstad» (1723).[8]
Bjørnestad er brukt som gardsnamn fleire andre stader i landet.
Statens kartverk godkjende skrivemåten «Bjørnestad» i 1986, men avslo å godkjenne «Biørnastad» i 2006.[9]
Gardsnamnet vert også brukt som slektsnamn.
Sjå òg
endreKjelder
endre- ↑ «Postnummerkart på nettstaden til Posten». Vitja 26. november 2010
- ↑ 2,0 2,1 «Gardsleksikon på nettstaden til Sogn og Fjordane Fylkesarkiv». Vitja 26. november 2010
- ↑ 3,0 3,1 3,2 3,3 3,4 3,5 Inger Kellmer (1990). «Bjørnestad : Gnr. 9». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 79. ISBN 8299219817.
- ↑ 4,0 4,1 4,2 4,3 «Nettstaden visveg.no (Statens vegvesen)». Henta 26. november 2010.
- ↑ Finn Borgen Førsund (1998). «Skifjorden». Dampen og kaia : stoppestader for Fylkesbaatane i Sogn og Fjordane 1858-1998. Førde: Selja Forlag. s. 75-76. ISBN 82-91722-04-8.
- ↑ «Poststadsdatabasen til Postmuseet på Maihaugen». Vitja 27- november
- ↑ «Hermund Kleppa: «Folkestad bedehus»».
- ↑ «Oluf Rygh: «Bjørnestad» i Norske Gaardnavne på nettstaden til Sogn og Fjordane Fylkesarkiv».
- ↑ «yr.no». Vitja 26. november 2010
Bakgrunnsstoff
endre- «Bjørnestad» i Gardsleksikonet på nettstaden til Sogn og Fjordane Fylkesarkiv
- «Bjørnestad» i matrikkelutkastet av 1950
- «Bjørnestad» i gardsmatrikkelen for 1886
- Vidare lesnad
- Inger Kellmer (1990). «Bjørnestad : Gnr. 9». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 79-92. ISBN 8299219817.