Nadir Rüstəmli
Nadir Rəşid oğlu Rüstəmli (romanisert Nadir Rustamli, fødd 8. juli 1999)[1] er ein aserbajdsjansk songar. I 2021 vann han den andre sesongen av The Voice of Azerbaijan, og han representerte Aserbajdsjan i Eurovision Song Contest 2022 med songen «Fade to Black».[2][3]
| Nadir Rüstəmli | |||
| Fødd | 8. juli 1999 (24 år) | ||
|---|---|---|---|
| Fødestad | Salyan | ||
| Opphav | Aserbajdsjan | ||
| Aktiv | 2016– | ||
| Sjanger | rhythm and blues, opera, chanson | ||
| Instrument | vokal, piano | ||
| Verka som | songar | ||
Bakgrunn endre
Rüstəmli vart fødd i Salyan, aust i Aserbajdsjan.[4] Som barn tok han pianotimar på ein musikkskule i heimbyen Salyan. I 2021 vart han uteksaminert frå Aserbajdsjans universitet for turisme og leiing, der han tok ein grad i bedriftsadministrasjon.[5]
Rüstəmli har delteke i fleire song- og talenttevlingar. I 2019 representerte han heimlandet i Youthvision International Song Contest, der han vart nummer to.[6][7] To år etter vann han den andre sesongen av The Voice of Azerbaijan.[7] I fyrste runde song han ein versjon av «Writing's on the Wall» av Sam Smith. To av dommarane snudde stolane, og Rüstəmli valde artisten Eldar Qasimov som mentor.[8] Qasimov vann Eurovision Song Contest 2011 med låten «Running Scared». I finalen 28. januar 2022 song Rüstəmli nettopp denne songen, og vann heile tevlinga med 42,6 prosent av telefonrøystene.[9]
I februar 2022 kunngjorde den aserbajdsjanske kringkastaren İctimai Televiziya at han hadde vald Rüstəmli til å representere landet i Eurovision Song Contest 2022 i Torino i Italia. Han deltok med songen «Fade to Black» og enda til slutt som nummer 16 av 25 i finalen.[10][11][12]
Kjelder endre
- ↑ «Azerbaycan'ı Nadir Rüstemli temsil edecek». Eurovision Turkey (på tyrkisk). 16. februar 2022. Henta 26. februar 2022.
- ↑ «"Səs Azərbaycan" yarışmasının qalibi məlum olub - VİDEO». Oxu.Az (på aserbajdsjansk). 28. januar 2022. Henta 16. februar 2022.
- ↑ «Nadir Rustamli will head to Turin for Azerbaijan 🇦🇿». Eurovision.tv (på engelsk). 26. februar 2022. Henta 26. februar 2022.
- ↑ «Nadir Rüstəmli is the chosen of Ictimai for Eurovision 2022». Oikotimes. 16. februar 2022. Henta 16. februar 2022.[daud lenkje]
- ↑ «Səhər Mərkəzi - Cavid Məmmədov, Nadir Rüstəmli, Eldar Qasımov» (på aserbajdsjansk). Xəzər Media. 4. februar 2022.
- ↑ aquaviridis (23. mai 2019). «Nadir Rüstəmli “Youthvision”-da Azərbaycanı təmsil edəcək». Frame.az (på aserbajdsjansk). Henta 16. februar 2022.
- ↑ 7,0 7,1 «Azerbaijan: Nadir Rüstəmli to Eurovision 2022». Eurovisionworld (på engelsk). 16. februar 2022. Henta 26. februar 2022.
- ↑ «Nadirin qalib seçilmə anı!». Olay.az (på engelsk). Henta 16. februar 2022.
- ↑ «"Səs Azərbaycan"ın qalibi bəlli oldu - son xeberler». Sonxeber.az (på aserbajdsjansk). Henta 16. februar 2022.
- ↑ «Nadir Rustamli will head to Turin for Azerbaijan 🇦🇿». Eurovision.tv (på engelsk). 26. februar 2022. Henta 26. februar 2022.
- ↑ «Fade to Black: Azerbaijan's Nadir Rustamli shares Eurovision 2022 song and music video». wiwibloggs (på engelsk). 21. mars 2022. Henta 31. mars 2022.
- ↑ «Nadir Rustamli - Azerbaijan - Turin 2022». Eurovision.tv (på engelsk). Henta 19. mai 2022.
- Denne artikkelen bygger på «Nadir Rüstəmli» frå Wikipedia på bokmål, den 19. oktober 2022.