Nairobi

Nairobi
Styresmakter
Land Provins	Kenya Nairobi provins
Grunnlagd	1899
Geografi
Flatevidd  - By	684 km²
Innbyggjarar  - By (2007)    - folketettleik  - Byområde  - Storbyområde	2 940 911   4 230/km² rundt 3 millionar rundt 4 millionar
Koordinatar	1°17′″S 36°49′″E
Høgd over havet	1 661 m
Tidssone	EAT (UTC)
Diverse anna
Heimeside: www.nairobicity.org
Plassering

Nairobi er hovudstad og største by i Kenya. Nairobi er òg administrativt senter i Nairobi provins og i distriktet Nairobi. Byen ligg ved Nairobielva, sør i landet i ei høgd på 1 661 meter over havet. Namnet kjem frå Maasai, Ewaso Nyirobi, og tyder «kaldt vatn».

Nairobi er den mest folkerike byen i Aust-Afrika og storbyområdet har mellom 3 og 4 millionar innbyggjarar. I følgje ei folketeljing i 1999 har det administrative området i Nairobi 2 143 254 innbyggjarar fordelt på 684 km². I 2002 var Nairobi den 12. største byen i Afrika.

Byen er ein av dei viktigaste i Afrika både politisk og økonomisk. Han er eit senter for forretningar og kultur og mange selskap og organisasjonar held til der.

Nairobi vart grunnlagd i 1899, som ein etterforsyningsstasjon for den ugandiske jarnbanen mellom Mombasa og Uganda, og overtok rolla som hovudstad etter Mombasa i 1905. Han vart ombygd tidleg på 1900-talet etter eit pestutbrot og ein større bybrann. Nairobi vart hovudstad i Britisk Aust-Afrika i 1907 og kenyansk hovudstad etter sjølvstendet i 1963.

Wikimedia Commons har multimedia som gjeld: Nairobi