Night Train
| Night Train Song av Jimmy Forrest | ||
| Utgjeve | 1. mars 1952[1] | |
| Innspelt | 27. november 1951 | |
| Sjanger | Rhythm and blues | |
| Lengd | 2:50 | |
| Selskap | United (110) | |
| Komponist | Jimmy Forrest | |
| Låtskrivar(ar) | *Oscar Washington
| |
|---|---|---|
«Night Train» er ein 12-taktsbluesinstrumental som først vart spelt inn av Jimmy Forrest i 1951.
Opphav og utvikling endre
«Night Train» har ei lang og komplisert soge. Stykket opnar med eit riff som først vart spelt inn i 1940 av ei lita gruppe leia av sidemannen til Duke Ellington, Johnny Hodges, med tittelen «That's the Blues, Old Man». Ellington brukte det same riffet som opning og avslutning av ein lenger komposisjon, «Happy-Go-Lucky Local», som i seg sjølv var ein av fire delar av hans Deep South Suite. Forrest spelte i bandet til Ellington då han framførte komposisjonen, som har ein lang tenorsaksofonsolo i midten. Etter han forlet Ellington, spelte Forrest inn «Night Train» på United Records og fekk ein stor rhythm & blues-hit. Medan «Night Train» brukar et same riffet som tidlegare innspelignar, vart det av Forrest nytta i ein mykje meir uraffinert R&B-setting. Forrest sette inn sin eigen solo over ein stopp-takt-rytme som ikkje var med i komposisjonen til Ellington. Han sette sitt eige merke på melodien, men det er ein tydeleg samanheng til den tidlegare komposisjonen.
Broadcast Music, Inc. (BMI) godskriv songen til Jimmy Forrest og Oscar Washington.[2]
Tekst endre
Det er blitt skrive fleire forskjellige tekstar til melodien. Den tidlegare kom i 1952 og var skriven av Lewis P. Simpkins, medeigar i United Records, og gitaristen Oscar Washington.[3]
Eddie Jefferson spelte inn ein versjon av «Night Train» med ein annan tekst.
James Brown-versjonen endre
| Night Train Song av James Brown frå albumet James Brown Presents His Band | ||
| Utgjeve | Mars 1962 | |
| Innspelt | 9. februar 1961, King, Cincinnati i Ohio | |
| Sjanger | Rhythm and blues | |
| Lengd | 3:35 | |
| Selskap | King (5614) | |
| Komponist | Jimmy Forrest | |
| Låtskrivar(ar) | * Oscar Washington
| |
|---|---|---|
| James Brown-kronologi | ||
| Lost Someone (1961) | Night Train | Shout and Shimmy (1962)
|
James Brown spelte inn «Night Train» med bandet sitt i 1961. Framføringa hans erstatta den originale teksten i songen med å rope ut namnet på forskjellige byar på Austkysten, i tillegg til at tittelen vart repetert mange gonger. Brown spelte òg trommer på innspelinga. Songen kom opphavleg ut på albumet James Brown Presents His Band and Five Other Great Artists, og så på singel i 1962. Han vart då ein hit og nådde femteplassen på R&B-lista og 35. plassen på poplista.[4]
Eit konsertopptak av songen var avslutningsnummer på albumet Live at the Apollo. Brown spelte òg «Night Train» i lag med gruppa si The Famous Flames (Bobby Byrd, Bobby Bennett og Lloyd Stallworth) i konsertfilmen The T.A.M.I. Show frå 1964.
Bandet til Brown, The J.B.'s, nytta seinare hovudsaksofonlinja frå «Night Train» på den instrumentale singelen deira, «All Aboard The Soul Funky Train», som kom ut i 1975 på albumet Hustle with Speed.
Innspelingar endre
«Night Train» har blitt spelt av mange andre artistar gjennom åra:
- Jimmy Forrest sin originale versjon av «Night Train» gjekk til topps på R&B-lista i 1952. Forrest spelte seinare inn ein spanskaktig versjon av songen kalla «Night Train Mambo».
- Rusty Bryant fekk òg ein R&B-hit med songen i 1952 med «All Nite Long», ein raskare versjon spelt inn live som òg brukte riff og refreng frå Joe Houston sin «All Night Long».
- Ein storbandversjon vart spelt inn av Buddy Morrow and His Orchestra og nådde 27. plassen på lista i 1952.
- Louis Prima gav ut ein versjon på albumet hans The Wildest! i 1957. Songen inneheld Sam Butera på saksofon og byrjar med ein del av «C. C. Rider».
- The Ventures spelte inn songen for debutalbumet sitt i 1960.
- Chet Atkins framførte «Night Train» som ein gitarleia storbandisntrumental på Teensville, 1960.
- Rock and roll-instrumentalgruppa The Viscounts spelte inn songen to gonger. Først i 1960 og igjen i 1966 i ein versjon der dei nytta instrumenta sine til å imitere lyden av eit tog.
- Jazzpianisten Oscar Peterson spelte inn «Night Train» med trioen sin i 1962 på albumet med same namn.
- Bill Doggett, kjend for sin eigen instrumentale «Honky Tonk», gav ut ein versjon av «Night Train» i 1964.
- Paul Revere and the Raiders gav ut ein versjon i 1963 om B-side til singelen «Louie Louie». I 1966 kom songen ut på albumet deira Just Like Us.
- Bill Black's Combo spelte inn ein twistversjon.
- The Kingsmen gav ut ein versjon i 1964 på albumet The Kingsmen In Person.
- Melodien var ein del av repertoaret til den britiske gruppa Georgie Fame and the Blue Flames tidleg i 1960-åra. Denne kom ut på det første albumet til Fame i 1964, konsertalbumet Rhythm and Blues at the Flamingo.
- I 1965 gav Harry James ut ein versjon på albumet sitt Harry James Plays Green Onions & Other Great Hits
- The World Saxophone Quartet spelte inn ein versjon på albumet deira Rhythm and Blues (1989).
- Skabandet The Toasters spelte inn songen i 1992 på albumet deira New York Fever
- Kadoc gav ut ein dance/electronica-versjon kalla «The Nighttrain» som sampla James Brown-versjonen.
- Public Enemy gav òg ut ein versjon av «Night Train» som sampla James Brown-versjonen.
- Saksofonisten Lou Donaldson spelte inn ein versjon i 1995 på albumet Caracas
- Gruppa Reverend Organdrum (med Jim «The Reverend Horton Heat» Heath) spelte «Night Train» i 2008 på albumet deira Hi-Fi Stereo.
- Wes Montgomery & Jimmy Smith sin versjon frå 1966 er med på albumet Jimmy & Wes: The Dynamic Duo.
- Songen vart sampla av Afro-Rican på singelen «Give It All You Got». Den same samplinga vart seinare nytta av Fergie i mellomspelet på songen hennar «Fergalicious» frå 2006.
Kjelder endre
- Denne artikkelen bygger på «Night Train (Jimmy Forrest composition)» frå Wikipedia på engelsk, den 26. februar 2018.
- Wikipedia på engelsk oppgav desse kjeldene:
- ↑ Billboard Mar 1, 1952, Rhythm & Blues Record Releases page 31
- ↑ BMI Repertoire Search, «Night Train» Arkivert 2016-01-16 ved Wayback Machine.. Henta 26. februar 2018
- ↑ Marv Goldberg's R&B Notebooks - REGALS, arkivert frå originalen 28. april 2007, henta 26. februar 2018
- ↑ Wolk, Douglas. (2004). Live at the Apollo, 99. New York: Continuum.
Bakgrunnsstoff endre
- Song Review of the James Brown version from Allmusic