Njeld Kolbenstvedt

Njeld Larsson Kolbenstvedt (28. september 1828–3. desember 1900) var ein norsk gardbrukar og politikar frå Suldal i Rogaland. Lars Olsson Kolbeinstveit var far hans.

Njeld Kolbenstvedt
Fødd	28. september 1828 Suldal kommune
Død	3. desember 1900 (72 år)
Statsborgar av	Noreg
Parti	Venstre, Moderate Venstre
Yrke	politikar
Far	Lars Olsson Kolbeinstveit
Alle verv	stortingsrepresentant (1865–1867) ordførar i Suldal vararepresentant til Stortinget (1862–1864) stortingsrepresentant (1868–1870) stortingsrepresentant (1871–1873) stortingsrepresentant (1874–1876) stortingsrepresentant (1877–1879) stortingsrepresentant (1880–1882) stortingsrepresentant (1883–1885) stortingsrepresentant (1886–1888) stortingsrepresentant (1889–1891)

Kolbenstvedt voks opp på garden Våge i Suldal. I 1851 tok han eksamen ved Østraad landbruksskule, tok i 1855 tok over slektsgarden Kolbeinstveit. Frå 1862 var han utskiftingsformann og. I 1879 vart han tilsett som lensmann i Sand, flytta dit året etter.

Kolbenstvedt var ordførar i Suldal i periodane 1856-59, 1862-63, 1866-69 og 1876-80. 1859-79 var han med i forlikskommisjonen, og han var styremedlem i den lokale sparebanken. Medlem av heradsstyret i Sand og i sparebankstyret der, etter han flytta dit.

Kolbenstvedt vart vald inn på Stortinget 1865-66 for Stavanger amt. Deretter hadde han stortingsplass heilt fram til 1891. Mellom 1883 og 1888 representerte han Venstre på Stortinget. I den siste perioden, 1889-91, representerte han Det Moderate Venstre. Han var medlem av vegkomiteen 1865-66, sekretær i justiskomite nr 1 frå 1869 til 1874, sekretær i justiskomiteen 1875-76, sekretær i skattekomiteen 1875-79 og 1882, samt sekretær i vegkomiteen 1880-91.

Kolbenstvedt var medlem av Lagtinget frå 1877 til 1891 og var såleis meddommar i riksrettsaka der Selmer-regjeringa vart dømd, ei sak som opna for innføringa av parlamentarismen i norsk statsskikk. Han var medlem av ein kongeleg kommisjon om utskiftingslova 1874. Året før, 1873, var han med i deputasjonen Stortinget sende til kroninga av kong Oscar II i Stockholm.

Kolbenstvedt døydde på Sand i 1900.

Kjelder

• Drange, Ernst Berge: Kolbenstvedt (Kolbeinstveit) -ei framståande slekt frå Suldal. I: Folk i Ryfylke 2005
• Lindstøl, Tallak: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Njeld Kolbenstvedt NSD Norsk senter for forskningsdatas politikararkiv