Opna hovudmenyen

Nord-Dakota (engelsk: North Dakota) er ein delstat i den nordamerikanske staten USA. Han ligg i den delen av USA som vert kalla Midtvesten og har grense mot Minnesota i aust, Sør-Dakota i sør, Montana i vest og mot Canada i nord. Den vestlege halvdelen av staten er òg ein del av The Great Plains. Hovudstaden er Bismarck, medan den største byen er Fargo. University of North Dakota ligg i byen Grand Forks, medan North Dakota State University ligg i Fargo.

Nord-Dakota
delstat
flagg
våpen
Land Flag of the United States.svg USA
Hovudstad Bismarck
Areal 183 112 km²
 - land 178 647 km²
 - vatn 4 465 km²
Folketal 755 393 (2017)
Folketettleik 4 / km²
Guvernør Doug Burgum (R)
Før innlemming Dakota-territoriet
Innlemma i USA 2. november 1889
Statsnummer 39. eller 40.
Forkorting ND
North Dakota in United States.svg
Wikimedia Commons: North Dakota
Nettstad: nd.gov
Frå Theodore Roosevelt National Park i
Nord-Dakota

HistorieEndra

Nord-Dakota var opphavleg busett av Mandan-folket. Nybyggarane busette seg seinare og nokre av desse var mellom anna nordmenn. I dag har 30 % av befolkninga norske anar. Nord Dakota vart opptatt som USAs 39. stat 2. november 1889. På 1800-talet vart Nord-Dakota rekna som ein del av den ville vesten. Tidlegare var staten ein del av Dakota-territoriet (oppkalla etter indianerstammen Dakota).

Hovudbyar i Nord-DakotaEndra

GeografiEndra

Elva Missouri renn gjennom den vestelge delen av delstaten, og dannar innsjøen Lake Sakakawea. Den vestlege delen av staten har eit kupert landskap, og har naturressursar som kol og olje. I aust har Red River of the North forma Red River Valley. Denne regionen er eit fruktbart jordbruksområde. Landbruk har lenge dominert økonomien og kulturen i Nord Dakota.

ØkonomiEndra

Nord-Dakota har det sjuande største jordbruksarealet i USA, med fokus på kornproduksjon - kveite, mais og soyabønner. Med 1,9 millionar storfe er staten mellom dei større kjøttprodusentane i USA. Gardsbruka er relativt store, slik at behovet for landbrukssubsidiar er mindre enn i mange andre av dei store amerikanske jordbruksstatane. Nord-Dakota har den nest største bygg-produksjonen og har den største produksjonen av kveite i USA.

Økonomiske nøkkeltal verdi % av BNP År. kjelde
BNP 26,4 mrd US$ 2006, Commerce Dept, Bureau of Economic Analysis, US
Arbeidsløyse 3,2% 2006, Labor Dept, Bureau of Labor Statistics, US
Andel fattige 11,3% 2005-06, Commerce Dept, Bureau of the Census, US
Inntekt pr innb 32.552 US$ 2006, Commerce Dept, Bureau of Economic Analysis, US

Kilde: The World Almanac 2008, side 45 og 555-587.

Kjente personar fødde i Nord-DakotaEndra

  Denne geografiartikkelen er ei spire. Du kan hjelpe Nynorsk Wikipedia gjennom å utvide han.