Oh Diane
| Oh Diane Singel av Fleetwood Mac frå albumet Mirage | ||
| B-side |
«Only Over You», «The Chain» [12"] (UK) / «That's Alright» (USA) | |
|---|---|---|
| Utgjeve | 12. desember 1982 (UK) / februar 1983 (USA) | |
| Innspelt | 1981-1982 | |
| Sjanger | Pop | |
| Lengd | 2:33 | |
| Selskap | Warner Bros. | |
| Låtskrivar(ar) | Lindsey Buckingham, Richard Dashut | |
| Produsent | Lindsey Buckingham, Richard Dashut og Fleetwood Mac | |
| Fleetwood Mac-kronologi | ||
| «Gypsy» (1982 UK) «Love in Store» (1982 USA) |
Oh Diane | «Can't Go Back» (1983 UK) «Big Love» (1987 USA)
|
«Oh Diane» er ein song av den britisk-amerikanske rockegruppa Fleetwood Mac. Han vart skriven av gitaristen Lindsey Buckingham og Richard Dashut for albumet Mirage i 1982.
Bakgrunn
endreTrass i at dei to førre singlane frå albumet («Hold Me» og «Gypsy») selde dårleg, vart songen ein overraskande hit for bandet i Storbritannia då han kom ut der i desember 1982. Songen gjekk inn på 69. plass den 18. desember 1982 og klatra dei ti neste vekene til ein niandeplass i februar 1983. Dette var medverkande til albumet klatra inn på topp 10 på albumlista i Storbritannia.
«Oh Diane» kom ut i Storbritannia på både 7" og som ei 12" biletplate. Dette var eit populært format på den tida og i dag eit samlarobjekt.
I USA vart ein annan song frå Mirage, «Love in Store», gjeven ut som den tredje singelen i staden for, til moderat suksess. «Oh Diane» vart gjeven ut som den fjerde singelen frå albumet i USA, og kom ut i februar 1983, men gjekk ikkje inn på salslista der. Han vart ein liten hit på den amerikanske Adult Contemporary-lista. Trass i at han vart ein stor hit i Storbritannia, kom ikkje «Oh Diane» med på den britiske 2002-utgåva av The Very Best of Fleetwood Mac.
Medverkande
endre- Lindsey Buckingham – elektrisk gitar, akustisk gitar, klaverinstrument, solo- og korvokal
- Mick Fleetwood – trommer, tamburin
- John McVie – bassgitar
- Christine McVie – korvokal
Kjelder
endre- Denne artikkelen bygger på «Oh Diane» frå Wikipedia på engelsk, den 12. august 2015.
- Wikipedia på engelsk oppgav desse kjeldene:
- The Great Rock Discography. av Martin C. Strong. S. 378.
- Chart Stats.com .