Ole-Johan Dahl
Ole-Johan Dahl (fødd 12. oktober 1931 Mandal, død 29. juni 2002) var ein norsk informatikar. Han vart i 1968 den første professoren i informatikk i Noreg. Han er internasjonalt kjend som ein pioner innan objektorientert utvikling.
| Ole-Johan Dahl | |
| Statsborgarskap | Noreg |
| Fødd | 12. oktober 1931 Mandal |
| Død | |
| Yrke | informatikar, ingeniør, universitetslærar |
| Språk | norsk, engelsk |
| Medlem av | Det Norske Videnskaps-Akademi, Academia Europaea |
Ole-Johan Dahl avtente verneplikta ved Forsvarets Forskingsinstitutt frå 1952 under Jan Garwick. Cand.real.-avhandlinga hans frå 1957 var om høgnivå programmering for FREDERIC. Deretter arbeidde Dahl ved Norsk Regnesentral frå 1962. Han utvikla saman med Kristen Nygaard verdas første objektorienterte programmeringsspråk, Simula i 1965. Dette blei lansert internasjonalt i 1967. Objektorientering blir rekna som ei av dei verkeleg store nyvinningane i informatikken si historie. Simula danna grunnlaget for moderne språk som C++ og Java.
Ole-Johan Dahl blei professor i numerisk analyse ved Universitetet i Oslo i 1968. Han underviste mellom anna i kurs om verifisérbar programmering for å forbetre kvaliteten på dataprogram og redusere omfanget av programmeringsfeil. Han var vidare involvert i forsking og rettleiing for å automatisere bevisføring av program. Han skreiv også lærebøker.
Dahl var også ein av dei drivande kreftene for å bygge opp Institutt for Informatikk ved Universitetet i Oslo, der han arbeidde til 31. desember 1999.
Utmerkingar
endre- 1998: Mottok saman med Kristen Nygaard Rosingakademiets heiderspris.
- 2000: Blei kommandør av St. Olavs Orden av saman med Kristen Nygaard.
- 2001: Mottok saman med Kristen Nygaard John von Neumann-medaljen.
- 2002: Blei saman med Nygaard tildelt Turing-prisen. Denne blir rekna som informatikken sin «Nobelpris».
Bøker og artikler
endre- Discrete event simulation languages, Academic Press, 1968.
- Structured Programming, med C. A. R. Hoare og Edsger Dijkstra, Academic Press, 1972
- Verifiable Programming, Prentice-Hall, 1992
- Simula: an ALGOL-based simulation language (med Nygaard), i Communications of the ACM, 9(1966).
- Class and subclass declarations (med Nygaard). I IFIP konferanse om simuleringsspråk, Oslo, mai 1967
Litteratur
endre- From Object-Orientation to Formal Methods: Essays in Memory of Ole-Johan Dahl, Olaf Owe, Stein Krogdahl og Tom Lyche (red.), Springer Verlag, 2004.
Kjelder
endre- Denne artikkelen bygger på «Ole-Johan Dahl» frå Wikipedia på bokmål, den 30. mars 2010.