Ole Edvard Buck
Ole Edvard Buck (14. november 1799–13. juli 1843) var ein norsk embetsmann og stortingsmann.
| Ole Edvard Buck | |||
| Fødd | 14. november 1799 Trondheim | ||
|---|---|---|---|
| Død | 13. juni 1843 (43 år) | ||
| Statsborgar av | Noreg | ||
| Yrke | politikar, embetsmann | ||
| Alle verv |
| ||
Buck var fødd i Trondheim. Faren vart seinare kjøpmann i Molde, og sonen voks opp der. I 1820 vart han student frå katedralskulen i Trondheim. Ferda gjekk så vidare til hovudstaden, der han vart cand. jur. i 1824. Frå 1825 var han tilsett i finansdepartementet, byråsjef frå 1828. I 1833 vart han utnemnd til amtmann i Finnmark. Elles var han mellom anna medlem av ein kongeleg kommisjon om nordlandshandelen, eit arbeid som førte fram til lov (1839). År 1842 la han ut på reise over Stockholm og Finland til St. Petersburg og Arkhangelsk, der han hadde samtalar med den russiske regjeringa om grensetraktaten av 1751. Samtalane førte ikkje fram til endringar i traktaten.
Buck representerte Finnmark på Stortinget i 1839. Han var då medlem av Lagtinget, traktatkomiteen og komiteen om stempelpapir.
Han døydde ved Molde, under ei vitjing hos svigerfaren Hilmar Meincke Krohg.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Ole Edvard Buck NSD Norsk senter for forskningsdatas politikararkiv