Ole Larsson Hammerstad

Ole Larssen Hammerstad (29. januar 1817–8. august 1873) var ein norsk gardbrukar, ordførar og stortingsmann frå Østre Toten i Oppland. Han var far til Hans Olsson Hammerstad. Peder Paulsen Balke var farbror hans.

Ole Larsson Hammerstad
Fødd	29. januar 1817 Østre Toten kommune
Død	8. august 1873 (56 år)
Statsborgar av	Noreg
Yrke	politikar, bonde
Barn	Hans Laurits Olsen Hammerstad
Alle verv	stortingsrepresentant (1857–1858) ordførar i Østre Toten (1848–1849) ordførar i Østre Toten (1856–1861) ordførar i Østre Toten (1870–1871) vararepresentant til Stortinget (1851–1853) vararepresentant til Stortinget (1854–1856) stortingsrepresentant (1859–1861) stortingsrepresentant (1865–1867) stortingsrepresentant (1868–1870)

Far til Hammerstad var gardbrukar på Østre Toten. Sjølv fekk han etter han var konfirmert privatundervisning hos ein kapellan i mellom anna tysk og fransk, engelsk lærte han seg sjølv. I 1839 vart han gardbrukar på Nordli i Sørum, to år seinare overtok han slektsgarden Hammerstad, der mor hans var i frå. Hammerstad var medlem av heradsstyret i Østre Toten 1848-71, ordførar i 1849, 18568-61 og 1870-71.

Hammerstad representerte Kristians amt på Stortinget 1857-60 og 1865-69. Han var 1857 medlem av gasje- og pensjonskomiteen, 1859-60, 1865-66 og 1868-69 av både militærkomiteen og valkomiteen, samt 1865-66 av traktatkomiteen og 1869 av røysterettskomiteen. Han var medlem av kommisjonar om høvesvis skysslova 1858, skattestellet 1860, og vernepliktslova 1864.

Hammerstad døydde på garden sin i Østre Toten i 1873.

Kjelder

• Lindstøl, Tallak: Stortinget og Statsraadet 1814-1914. Kristiania, 1914