Ole Nielsen Weierholt
Ole Nielsen Weierholt (1718–1792) er først og fremst kjend som modellskjerar for jernverka i Aust-Agder, særleg Næs jernverk, men òg Froland verk. Han skar modellar i tre til støyping av jernomnar i rokokkostil, og blir ofte kalla Sørlandets rokokkomeister.
| Ole Nielsen Weierholt | |
 | |
| Statsborgarskap | Noreg |
| Fødd | 1718 |
| Død |
14. desember 1792 (74 år) |
| Yrke | treskjerar |
| Ole Nielsen Weierholt på Commons | |
Ole Nielsen var fødd på Sagene i Austre Moland, i dag ein del av Arendal kommune. Han arbeidde som tømrar og snikkar, og stod for ei rekke byggjeoppdrag på kyrkjene i distriktet på midten av 1700-talet, m.a. Austre Moland kyrkje og Tromøy kyrkje.
Han skar ei rekke omnsmodellar for Næs; mest kjend er Kammerherren frå Morland, som er ein kopi etter ein eldre modell. Motivet er henta frå Apostelgjerningane, og er mellom anna nytta av Rembrandt i eit måleri.
Ole Nielsen skar òg omnsmodellar for Froland verk og for jernverk i Nedre Telemark.
Kjelder
endre- Denne artikkelen bygger på «Ole Nilsen Weierholt» frå Wikipedia på bokmål, den 19. september 2012.