Ole Veseth
Ole Johannesson Veseth (30. juli 1846–7. september 1907) var ein norsk skulemann og gardbrukar frå Haus i Hordaland. Johannes Olsson Veset var far hans.
| Ole Veseth | |||
| Fødd | 30. juli 1846 Haus | ||
|---|---|---|---|
| Død | 7. september 1907 (61 år) | ||
| Statsborgar av | Noreg | ||
| Parti | Moderate Venstre | ||
| Yrke | bonde, politikar | ||
| Far | Johannes Olsson Veset | ||
| Alle verv |
| ||
Veseth vart i 1867 seminarist frå Stord. Dei to neste åra var han huslærar, deretter tre år lærar i offentleg skule, til sist to år lærar i privat skule i hovudstaden. Åra 1874-78 styrar ved Svend Foyns private borgarskule i Tønsberg. Frå 1878 var han gardbrukar på farsgarden i Haus.
Veseth var medlem av heradsstyret i Haus frå 1880, ordførar 1884-1904. Forlikskommissær 1884-1905, og ei rekke kommunale verv.
Veseth var 2. representant frå Søndre Bergenhus til Stortinget perioden 1889-91. Valbolken 1895-97 møtte han i 1895 i staden for Baard Haugland frå 1. juli og resten av valperioden. Han var medlem 1889-91 av kyrkjekomiteen, 1895 av sosialkomiteen, 1896-97 av Lagtinget og budsjettkomiteen.
Veseth døydde ugift på Mjelde i Haus i 1907.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914