Orklaelva
Orkla er ei elv i Trøndelag og Innlandet. Elva følgjer Orkladalføret og passerer tettstaden Orkanger før ho renn ut i Orkdalsfjorden. Ho har utspring i Orkelsjøen i Oppdal kommune, og renn vidare gjennom kommunane Tynset, Rennebu og Orkland.
| Orkla | |||
| elv | |||
 | |||
| Land |  Noreg
| ||
|---|---|---|---|
| Fylke | Trøndelag, Innlandet | ||
| Kommunar | Oppdal, Orkland, Rennebu, Tynset | ||
| Lengd | 179 km | ||
| Kjelde | Orkelsjøen i Oppdal | ||
| Munning | Orkdalsfjorden | ||
 Orklaelva 63°19′06″N 9°50′22″E / 63.31833333°N 9.83944444°E | |||
| Wikimedia Commons: Orkla | |||
Elva er mykje brukt til laksefiske. Ho har ei lakseførande strekning på 88 kilometer, frå utløpet ved Orkanger til Stoin, rett nedanfor Ulsberg i Rennebu. Den største registrerte laksen ein har teke her var 25 kilo.
Elva er regulert i fem kraftverk som blei bygd i åra 1978–1985.
Ved elveutløpet var det fram til 1970-åra eit delta med store våtmarksområde og eit rikt fugleliv. Det meste av deltaet er nå fylt ut med grus og utbygd med industri, i eit område som har fått namnet Grønøra. Ein liten rest av det gamle våtmarkslivet finst likevel vest for elveutløpet, utanfor Gjølme.
Kjelder
endre- «Orkla» i Store norske leksikon, snl.no.