Otto Stern

Otto Stern (17. februar 1888–17. august 1969) var ein tysk fysikar og nobelprisvinnar. Ti år etter at han flykta frå heimlandet til USA, vart han tildelt Nobelprisen i fysikk «for medverkinga si til utviklinga av den molekylære strålingsmetoden og oppdaginga hans av det magnetiske momentet til protonet»

Otto Stern
Fødd	17. februar 1888 Sohrau i Kongeriket Preussen
Død	17. august 1969 (81 år) Berkeley i California i USA
Nasjonalitet	Tysk
Område	fysikk
Yrke	fysikar, kjemikar, universitetslærar
Institusjonar	Universitetet i Hamburg University of California, Berkeley Carnegie Mellon University Universität Rostock Eidgenössische Technische Hochschule Zürich
Alma mater	Universität Breslau Universität Frankfurt
Kjend for	Spinn
Medlem	Det Kongelige Danske Videnskabernes Selskab American Philosophical Society American Association for the Advancement of Science National Academy of Sciences Göttingens vitenskapsakademi

Stern fullførte studia sine ved Universitetet i Breslau i 1912 med ein doktorgrad i fysikalsk kjemi. Han følgde så Albert Einstein til Karlsuniversitetet i Praha og seinare til ETH Zürich. Stern mottok habilitasjonen sin ved Johann Wolfgang Goethe-Universität i Frankfurt i 1915 og i 1921. Han vart seinare professor ved Universitetet i Rostock, som han forlet i 1923 for å jobbe med det nyleg grunnlagte Institut für Physikalische Chemie ved Universitetet i Hamburg.

Etter at han gjekk av frå stillinga ved Universitetet i Hamburg i 1933 då nazistane tok over makta, vart han professor i fysikk ved Carnegie Institute of Technology, og seinare professor emeritus ved University of California, Berkeley.

Kjelder

• Denne artikkelen bygger på «Otto Stern» frå Wikipedia på bokmål, den 21. februar 2012.
  • Wikipedia på bokmål oppgav desse kjeldene: